በእንግሊዝ ፕሪሚየር ሊግ ተጠባቂ ጨዋታዎች ዛሬ ይደረጋሉ

አዲስ አበባ፣ ነሐሴ 18፣ 2016 (ኤፍ ቢ ሲ) በእንግሊዝ ፕሪሚየር ሊግ የሁለተኛ ሳምንት መርሐ ግብር ዛሬ ሰባት ጨዋታዎች ይደረጋሉ።

ማንቸስተር ዩናይትድ ወደ አሜክስ ስታዲየም አቅንቶ ቀን 8፡30 ብራይተንን የሚገጥምበት ጨዋታ የዕለቱ ቀዳሚ መርሐ ግብር ነው።

ምሽት 1፡30 በቪላ ፓርክ አርሰናልን ከአስቶን ቪላ የሚያገናኘው ጨዋታ ደግሞ ከፍተኛ ፉክክር እንደሚደረግበት ይጠበቃል።

ከዚህ ጨዋታ አስቀድሞ ቀን 11 ሰዓት ላይ የአምናው ሻምፒዮን ማንቸስተር ሲቲ አዲስ አዳጊውን ኢፕስዊች ታውን በኢቲሃድ ያስተናግዳል።

ቶተንሃም ከኤቨርተን፣ ፉልሃም ከሌስተር፣ ክሪስታል ፓላስ ከዌስትሃም እንዲሁም ሳውዛሃምፕተን ከኖቲንግሃም ፎረስት በተመሳሳይ 11 ሰዓት ላይ ጨዋታቸውን የሚያደርጉ ይሆናል፡፡