የመዲናዋ አዲስ የከተማ ልማት ስትራቴጂ ዝግጅት በይፋ ተጀመረ

አዲስ አበባ፣ ነሐሴ 14፣ 2016 (ኤፍ ቢ ሲ) የአዲስ አበባ ከተማ አዲስ የከተማ ልማት ስትራቴጂ ዝግጅት በዛሬው ዕለት በይፋ ተጀምሯል፡፡

ስትራቴጂው የከተማዋን እምቅ አቅሞች በመለየት፣ እድሎችን በማንጠር፣ አዳጊ ፍላጎቶችን በማካተትና ተግዳሮቶችን በመቀነስ የረጅም ጊዜ ርዕይ በመተለም ከተማዋን በዘላቂነት ወደፊት ለማስፈንጠር የሚያግዝ የተቀናጀ፣ የተደራጀና አዳዲስ የከተማ ልማት እሳቤዎችን ያካተተ የልማት ፍኖት እንዲኖራት የሚያስችል ነው ተብሏል፡፡

የአዲስ አበባ ከተማ ከንቲባ አዳነች አቤቤ በማህበራዊ ትስስር ገፃቸው ባሰፈሩት ጽሑፍ÷ ስትራቴጂውን በማሰናዳታችን በጅምር ላይ የሚገኙና ሳይንሳዊ ቅቡልነት ያገኙ፣ በተግባር የተፈተኑ የልማት ስራዎቻችንን ለማቀናጀትና ለማስፋት ያስችላል ብለዋል፡፡

ከዚህ ባለፈም በሚቀጥሉት ዓመታት ከተማዋ የምትመራበትን የመዋቅራዊ ፕላን ክለሳ ለመምራት የሚያስችሉ አዳዲስ እሳቤዎች ለማካተት እንደሚያስችል አመልክተዋል፡፡

የከተማዋን አዳጊ ፍላጎቶች ለማሟላት የሚያስፈልገውን ሃብት ለማሰባሰብ እንዲቻል እና ሁሉንም የልማት አቅሞች ለማቀናጀት የሚያስችል ግልጽ ራዕይ ለማጋራት እንደሚቀጠቅምም አስገንዝበዋል፡፡