አቶ ሽመልስ አብዲሳ በምዕራብ አርሲ ዞን የልማት ስራዎችን እየጎበኙ ነው

አዲስ አበባ፣ ነሐሴ 9፣ 2016 (ኤፍ ቢ ሲ) የኦሮሚያ ክልል ርዕሰ መስተዳድር ሽመልስ አብዲሳ በምዕራብ አርሲ ዞን በሻሸመኔ ከተማ በቢሻን ጉራቻ ክ/ከተማ የሚገኘውን የተሻሻለ የከብት እርባታ ክላስተር ጎብኝተዋል።

በጉብኝቱ ላይ ከርዕሰ መስተዳድሩ በተጨማሪ ሌሎች ከፍተኛ የስራ ሃላፊዎች ተገኝተዋል።

በሻሸመኔ ከተማ የእንስሳት ዝርያን በማሻሻልና ህብረተሰቡን በስፋት በከብት እርባታ በማሳተፍ የወተት ሀብት ልማትን ለማሳደግ እየተሰራ መሆኑ ተገልጿል።

በጉብኝቱ የእንስሳት እርባታ፣ ለውጭ ገበያ የሚቀርበው የቦሎቄ ሰብል የክላስተር ልማትን ጨምሮ በዞኑ እየተሰሩ ያሉ የተለያዩ የልማት ስራዎችን ይጎበኛሉ ተብሎ እንደሚጠበቅ ከክልሉ ኮሙኒኬሽን ያገኘነው መረጃ ያመላክታል።