አሰልጣኝ ዘሪሁን ሸንገታ ከቅዱስ ጊዮርጊስ ጋር በይፋ ተለያየ

አዲስ አበባ፣ ሐምሌ 29፣ 2016 (ኤፍ ቢ ሲ) አሰልጣኝ ዘሪሁን ሸንገታ ከቅዱስ ጊዮርጊስ ጋር በይፋ መለያየቱን ክለቡ አስታውቋል፡፡

አሠልጣኝ ዘሪሁን ከታዳጊ ቡድን ጀምሮ እስከዋናው ቡድን ለረጅም ዓመታት በአንድ ማሊያ ብቻ በመጫወት በድል አድራጊነት ደምቆ የዋንጫ ድሎችን መጎናጸፉን ክለቡ በማህበራዊ ትስስር ገጹ አስፍሯል፡፡

በተለይም ባለፉት ሁለት ተከታታይ ዓመታት የኢትዮጵያ ፕሪሚየር ሊግ ባለ ክብር የሆኑት ፈረሰኞቹን በዋና አሰልጣኝነት መምራቱን አንስቷል፡፡

አሰልጣኝ ዘሪሁን አሁን ላይ ከቅዱስ ጊዮርጊስ ጋር በይፋ መለያየቱን የገለጸው ክለቡ÷ላደረገው አስተጽኦም ምስጋና አቅርቧል፡፡

የቅዱስ ጊዮርጊስ ስፖርት ማህበር ስራ አመራር ቦርድ በሚያዚያ ወር የዋናው ቡድን ዋና አሰልጣኝ ዘሪሁን ሸንገታን  እና የግብ ጠባቂዎችን አሰልጣኝ ውብሸት ደሳለኝ በጊዜያዊነት አግዶ እንደነበር የሚታወስ ነው፡፡