አዲስ አበባ፣ ሐምሌ 2፣ 2016 (ኤፍ ቢ ሲ) 4ነጥብ 6 ኪሎ ግራም ወርቅ በሕገ-ወጥ መንገድ ይዞ ሲንቀሳቀስ የነበረውን ተጠርጣሪ ከኤግዚቢቱ ጋር በቁጥጥር ሥር ማዋሉን የኢትዮጵያ ፌደራል ፖሊስ ገለፀ፡፡
ተጠርጣሪው በዛሬው ዕለት በአሶሳ ከተማ 02 ቀበሌ በሃይሉክስ መኪና 4 ነጥብ 6 ኪሎ ግራም ወርቅ ጭኖ ሲንቀሳቀስ የፌዴራል ፖሊስ ኮንትሮባንድ ቁጥጥር መምሪያ ከኢትዮጵያ ጉሙሩክ ኮሚሽን ጋር በመተባበር ባደረጉት ጠንካራ ክትትል በቁጥጥር መዋሉ ነው የተገለጸው፡፡
ኅብረተሰቡ ህገ-ወጥ የወርቅ ንግድንና ዝውውር በሀገር ኢኮኖሚ ላይ የሚያስከትለውን ጉዳት በመገንዘብ መሰል ተግባር ላይ የተሰማሩ ግለሰቦችና ቡድኖችን ሲመለከት ጥቆማ እንዲሰጥ የፌዴራል ፖሊስ ጥሪ ማቅረቡን ከገጹ ያገኘነው መረጃ ያመላክታል፡፡