አዲስ አበባ፣ ሰኔ 21፣ 2016 (ኤፍ ቢ ሲ) በ23ኛው የአፍሪካ አትሌቲክስ ሻምፒዮና ለተካፈለው የኢትዮጵያ አትሌቲክስ ልዑካን ቡድን አባላት ከ1 ነጥብ 3 ሚሊየን ብር በላይ የማበረታቻ ሽልማት ተበረከተላቸው፡፡
በካሜሩን ዱዋላ በተካሄደው 23ኛው የአፍሪካ አትሌቲክስ ሻምፒዮና ተካፍሎ ትናንት አዲስ አበባ ለገባው የኢትዮጵያ አትሌቲክስ ልዑክ ዛሬ በግዮን ሆቴል ዕውቅናና ሽልማት ተሰጥቷል፡፡
በዚህም ለቡድን መሪዎች፣ ለቴክኒክ ቡድን መሪዎች፣ ሜዳሊያና ዲፕሎማ ላስገኙ አትሌቶች፣ ለተሳታፊ አትሌቶች፣ ለአሰልጣኞች እና ለልዑኩ አባላት በአጠቃላይ 1 ሚሊየን 305 ሺህ ብር ሽልማት ተበርክቷል፡፡
በ23ኛው የአፍሪካ አትሌቲክስ ሻምፒዮና ኢትዮጵያ 5 የወርቅ፣ 4 የብር እና 1 የነሐስ በአጠቃላይ 10 ሜዳሊያዎችን በመሰብሰብ ከደቡብ አፍሪካ፣ ኬንያና እና ናይጄሪያ በመቀጠል 4ኛ ደረጃን ይዛ አጠናቅቃለች፡፡