አቶ አወል አርባ በአሶሳ የልማት ሥራዎችን እየጎበኙ ነው

አዲስ አበባ፣ ሰኔ 2፣ 2016 (ኤፍ ቢ ሲ) የአፋር ክልል ርዕሰ መሥተዳድር አወል አርባ እና በብልጽግና ፓርቲ የሲዳማ ቅርንጫፍ ጽ/ቤት ኃላፊ አብረሃም ማርሻሎ በቤኒሻንጉል ጉሙዝ ክልል አሶሳና አካባቢው የተከናወኑ የልማት ስራዎችን እየጎበኙ ነው።

በጉብኝታቸውም በቤኒሻንጉል ጉሙዝ ክልል መንግስት፣ በባለሃብቶች እና በህብረተሰቡ የተከናወኑ የልማት ስራዎችን ተመልክተዋል፡፡

በዚህም የአምባ አንድ አልኸሉዋ የተቀናጀ የእንስሳት ሃብት ልማት እና የኢንዱስትሪ ማዕከል፣ ባምቡስታር አግሮ ፎረስተሪ የቀርከሃ ማቀነባበሪያ ፋብሪካ እና የነዋሪዎች የእንስሳት እርባታ ማዕከልን መጎብኘታቸውን ኢዜአ ዘግቧል፡፡

እንዲሁም የብልጽግና ፓርቲ ጽሕፈት ቤት የፖለቲካና አቅም ግንባታ ዘርፍ ኃላፊ ሰማ ጥሩነህ (ዶ/ር) በሚዛን አማን ከተማ የተለያዩ የልማት ሥራዎችን መጎብኘታቸውን የደቡብ ምዕራብ ኢትዮጵያ ሕዝቦች ክልል ኮሙኒኬሽን ቢሮ መረጃ አመላክቷል፡፡