አዲስ አበባ፣ የካቲት 30፣ 2016 (ኤፍ ቢ ሲ) እስከ መጋቢት 13 ቀን 2016 ዓ.ም የሚቆየው 13ኛው የመላ አፍሪካ ጨዋታ በጋና አክራ በይፋ ተከፍቷል፡፡
በመክፈቻ ሥነ-ሥርዓቱ ላይ÷ የአፍሪካ ኅብረት ኮሚሽን ሊቀመንበር ሙሳ ፋኪ መሃማት፣ የአፍሪካ ኅብረት ኮሚሽነሮች፣ የጋና ፕሬዚዳንት ናና አኩፋ ዶን ጨምሮ ተጋባዥ እንግዶችና ታዋቂ ግለሰቦች ተገኝተዋል፡፡
ውድድሩን ያዘጋጁት የአፍሪካ ኅብረት፣ የአፍሪካ ኦሊምፒክ ኮሜቴዎች ማኅበር እና የአፍሪካ ስፖርት ኮንፌዴሬሽኖች ማኅበር መሆናቸውም ተገልጿል፡፡
በዚህ ጨዋታ ላይ 54 የአፍሪካ ሀገራት በ29 የስፖርት አይነቶች ይሳተፋሉ መባሉን የባህልና ስፖርት ሚኒስቴር መረጃ ያመላክታል፡፡
ኢትዮጵያም በዘጠኝ የስፖርት አይነቶች የምትወዳደር ሲሆን÷ ነገ የኢትዮጵያ ሴቶች ከ20 ዓመት በታች ብሔራዊ ቡድን የሚያደርጉት የእግር ኳስ ጨዋታ ተጠባቂ ነው፡፡
#Ethiopia
ወቅታዊ፣ትኩስ እና የተሟሉ መረጃዎችን ለማግኘት፡- ድረ ገጽ፦ https://www.fanabc.com/ ፌስቡክ፡- https://www.facebook.com/fanabroadcasting ዩትዩብ፦ https://www.youtube.com/c/fanabroadcastingcorporate/ ቴሌግራም፦ https://t.me/fanatelevision ትዊተር፦ https://twitter.com/fanatelevision ኢንስታግራም፦ https://www.instagram.com/fana_television/ ቲክቶክ፦ https://www.tiktok.com/@fana_television በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!