ኢትዮጵያና የዓረብ ባንክ ለአፍሪካ ኢኮኖሚ ልማት የ49 ነጥብ 5 ሚሊየን ዶላር የድጋፍ ስምምነት ተፈራረሙ

ድጋፉ የተቀናጀ አግሮ ኢንዱስትሪ ፓርኮችና የወጣቶች ሥራ ዕድል ፈጠራ ምርታማነትን ለማጎልበት የሚውል መሆኑ ተመላክቷል።

በአሁኑ ወቅት በአፍሪካ ልማት ባንክ እና በኢትዮጵያ መንግስት የሚደገፈው ይህ ፕሮጀክት በአራት የተቀናጁ አግሮ ኢንዱስትሪ ፓርኮች ላይ እንደሚያተኩር ተገልጿል።

ስምምነቱ ኦሮሚያን እና ሲዳማ ክልሎችን የሚያካልለውንና 8 ሺህ ሄክታር መሬት የሚሸፍነውን የጊዳቦ ፕሮጀክት አካባቢ የመስኖ መሠረተ ልማት ለመገንባት፣ የግብርና ምርታማነትን ለማሳደግ እና ለዘላቂ ዕድገት ወሳኝ የውሃ ሃብት ለማቅረብ ያስችላል ተብሏል።

በፊርማ ሥነ-ሥርዓቱ ላይ የገንዘብ ሚኒስትር አህመድ ሺዴ ባንኩ ላደረገው ድጋፍ አድናቆታቸውን መግለጻቸውን የሚኒስቴሩ መረጃ ያመላክታል፡፡