በእንግሊዝ ፕሪሚየርሊግ ማንቼስተር ዩናይትድ ሲያሸንፍ ቼልሲ በሜዳው ተሸንፏል

አዲስ አበባ፣ ጥር 26፣ 2016 (ኤፍ ቢ ሲ) በእንግሊዝ ፕሪሚየር ሊግ ማንቼስተር ዩናይትድ ዌስትሃም ዩናይትድን ሲያሸንፍ ቼልሲ በሜዳው በዎልቭስ ተሸንፏል፡፡

ዌስትሃምን የገጠመው ማንቼስተር ዩናይትድ 3 ለ 0 በሆነ ውጤት ሲያሸንፍ ራስመስ ሆይለንድ እና አሊሃንድሮ ጋርናቾ (ሁለት) ጎሎችን አስቆጥረዋል፡፡

ተከታታይ ድሉን ማስመዝገብ የቻለው ማንቼስተር ዩናይትድ ነጥቡን ወደ 38 ከፍ በማድረግ 6ኛ ደረጃ ላይ ሲቀመጥ ዌስትሃም በ36 ነጥቦች 7ኛ ደረጃ ላይ ተቀምጧል፡፡

በሌላ በኩል ዎልቭስን በሜዳው ያስተናገደው የምዕራብ ለንደኑ ክለብ ቼልሲ 4 ለ 2 በሆነ ውጤት ተሸንፏል፡፡

በተመሳሳይ ሰዓት በተደረገ የሊጉ መርሃ ግብር በርንማውዝ ከኖቲንግሃም ፎረስት አንድ አቻ ተለያይተዋል፡፡

የሳምንቱ ተጠባቂ ጨዋታ ከደቂቃዎች በኋላ ሲጀምር አርሰናል በሜዳው ሊቨርፑልን ያስተናግዳል፡፡