ዩኒቨርሲቲዎች ጥራት ያለው ትምህርት በማቅረብ የሚመራመር ዜጋ መፍጠር እንደሚጠበቅባቸው ተገለፀ

ከ32ኛው የትምህርት ጉባኤ ትይዩ የቅድመ ጉባኤ መድረክ በጅግጅጋ ከተማ ተካሂዷል፡፡

በመድረኩ የከፍተኛ ትምህርት ዘርፍ ሚኒስትር ዴኤታ ኮራ ጡሽኔ ÷በቀጣይ ሁለት ዓመታት 8 ዩኒቨርሲቲዎችን ራስ ገዝ ለማድረግ እየተሰራ እንደሆነ ገልፀዋል።

የከፍተኛ ትምህርት ተቋማት ጥራት ያለው ትምህርት በማቅረብ በዓለም አቀፍ ደረጃ ተወዳዳሪ ቴክኖሎጂ የሚጠቀም፣የሚመራመርና በሥነ-ምግባር የታነጸ ዜጋ መፍጠር እንደሚጠበቅባቸው አስገንዝበዋል።

የጉባዔው ዓላማ በከፍተኛ ትምህርቱ ዘርፍ የተመዘገቡ ስኬቶችን ፣ ያጋጠሙ ችግሮችና የወደፊት አቅጣጫዎች ላይ በመወያየት በቀጣይ ስለሚወሰዱ የእርምትና የለውጥ እርምጃዎች የጋራ ግንዛቤና አቋም ለመያዝ መሆኑን ጠቁመዋል።

የጅግጅጋ ዩኒቨርሲቲ ፕሬዚዳንት በሽር አብዱላሂ (ዶ/ር)ባስተላለፉት የእንኳን ደህና መጣችሁ መልዕክት÷ ዩኒቨርሲቲው በተፈጥሮ ሀብት፣ እርብቶ አደርና እንስሳት ልማት ፣ በምግብ ዋስትና ፣ቢዝነስና ኢኮኖሚክስ መስክ እየሠራ መሆኑን ገልፀዋል።

ወቅታዊ፣ትኩስ እና የተሟሉ መረጃዎችን ለማግኘት፡-

ድረ ገጽ፦ https://www.fanabc.com/

ፌስቡክ፡- https://www.facebook.com/fanabroadcasting

ዩትዩብ፦ https://www.youtube.com/c/fanabroadcastingcorporate/

ቴሌግራም፦ https://t.me/fanatelevision

ትዊተር፦ https://twitter.com/fanatelevision

ኢንስታግራም፦ https://www.instagram.com/fana_television/

ቲክቶክ፦ https://www.tiktok.com/@fana_television በመወዳጀት ይከታተሉን፡፡

ዘወትር፦ ከእኛ ጋር ስላሉ እናመሰግናለን!