የዓለም የስታርት አፕ ሽልማት ሥነ-ሥርዓት እየተካሄደ ነው

አዲስ አበባ፣ ጥቅምት 14፣ 2016 (ኤፍ ቢ ሲ) የ2023 የዓለም የስታርት አፕ ሽልማት የአፍሪካ ጉባዔ የመክፈቻ ሥነ-ሥርዓት በአዲስ አበባ  እየተካሄደ ነው።

መድረኩ ኢትዮጵያ በፈጠራ እና ቴክኖሎጂ ያላትን እምቅ አቅም ለማስተዋወቅ እና በዘርፉ ያላትን ትክክለኛ ገጽታ ለማሳየት የሚያግዝ መሆኑን ከሥራና ክኅሎት ሚኒስቴር ያገኘነው መረጃ ያመላክታል።

ጉባዔው ፈጠራን መሠረት ያደረገ ምጣኔ ሐብት ለመገንባት ያለመ ነው ተብሏል፡፡

በዚህ ዓመት ከ8 ሺህ 200 በላይ የሚሆኑ ከ54 የአፍሪካ ሀገራት የተውጣጡ ተሳትፈውበታል፡፡

በሥነ ሥርአቱ መጨረሻ ላይ ከመላው አፍሪካ 71 አሸናፊዎች ይሸለማሉ ተብሏል፡፡