የመስቀል ደመራ በዓል በዛሬው ዕለት ይከበራል

አዲስ አበባ፣ መስከረም 16፣ 2016 (ኤፍ ቢ ሲ) የመስቀል ደመራ በዓል በክርስትና እምነት ተከታዮች ዘንድ በዛሬው ዕለት ይከበራል።

በዓሉ በተለይም በአዲስ አበባ በመስቀል አደባባይ የሃይማኖት አባቶች፣ ምዕመናን እና ጥሪ የተደረገላቸው እንግዶች በተገኙበት ነው የሚከበረው።

በዓሉን በተለያዩ ሃይማኖታዊ ስነ ስርአቶች ለማክበር ቅድመ ዝግጅት ተደርጓል።

በበዓሉ ፀሎተ ወንጌል ይደርሳል፤ ያሬዳዊ ዜማ፣ መዝሙር እና የተለያዩ ሃይማኖታዊ ሥነ ስርአቶች የሚቀርቡ ሲሆን፥ የደመራ መለኮስ ሥነ ስርአት ተከናውኖ የበዓሉ ፍፃሜ ይሆናል።

የመስቀል ደመራ በዓል በተባበሩት መንግስታት የትምህርት፣ የባህልና የሳይንስ ድርጅት (ዩኔስኮ) በማይዳሰስ ቅርስነት መመዝገቡ የሚታወስ ነው።