አዲስ አበባ፣ ሐምሌ 13፣ 2015 (ኤፍ ቢ ሲ) የጅማ ዩኒቨርሲቲ በተለያዩ ዘርፎች ያሰለጠናቸውን ተማሪዎች ዛሬ አስመርቋል፡፡
ከተመራቂዎቹ መካከል በጅማ ቴክኖሎጂ ኢንስቲትዩት ትምህርታቸውን ሲከታተሉ የነበሩ ሦስት የተለያዩ መንትዮች ይገኙበታል፡፡
ሜላት ደቻሳ በኤሌክትሪካል ኢንጂነሪንግ እና ሜሮን ደቻሳ በሥነ ህንጻ (አርክቴክቸር) የተመረቁ መንትዮች ናቸው፡፡
በተጨማሪም ኢዩኤል ብዙአየሁ እና ኢዩአኪ ብዙአየሁ በኮምፒውተር ሳይንስ የተመረቁ ሌሎቹ መንትዮች መሆናቸውን የኢንስቲትዩቱ መረጃ ያመላክታል፡፡
እንዲሁም ሌሎቹ መንትዮች ደግሞ አሊይ በዳሶና አማን በዳሶ ሲሆኑ÷ በሲቪል ምህንድስና ትምህርታቸውን አጠናቀው ተመርቀዋል፡፡
