አዲስ አበባ፣ ሰኔ 14፣ 2015 (ኤፍ ቢ ሲ) በቤኒሻንጉል ጉሙዝ ክልል የ8ኛ ክፍል ክልላዊ ፈተና ከሰኔ 26 እስከ 27 ቀን 2015 ዓ.ም እንደሚሰጥ የክልሉ ትምህርት ቢሮ አስታውቋል።
የቢሮው ኃላፊ አቶ ቢኒያም መንገሻ÷ በክልሉ ፈተናው በሚሰጥባቸው 270 የመፈተኛ ጣቢያዎች የሚገኙ 18 ሺህ 923 ተማሪዎች ክልላዊ ፈተናውን ይወስዳሉ ብለዋል።
የ8ኛ ክፍል ፈተናን ለመስጠት የሚያስችል ዝግጅት እና የህትመት ሥራ መጠናቀቁን የገለጹት አቶ ቢንያም÷በቀጣይ ከሚመለከታቸው አካላት ጋር በመቀናጀት ፈተናው ወደ መፈተኛ ማዕከላት እንደሚጓጓዝ ተናግረዋል፡፡
ለፈተና አሰጣጡ ስኬት ሁሉም ባለድርሻ አካላት የሚጠበቅባቸውን ኃላፊነት እንዲወጡም ጥሪ ማቅረባቸውንም የክልሉ ኮሙኒኬሽን መረጃ ያመላክታል፡፡