በጎንደር ከተማ እና በዙሪያዋ በቡድን የተደራጅተው ህገ ወጥ ተግባር ሲፈፅሙ የነበሩ 77 ግለሰቦች በቁጥጥር ስር መዋላቸው ተገለፀ

ይህም የከተማዋ ህዝብ የፈለገውን ሠላምና ልማት በተገቢው መንገድ እንዳያገኝ ማድረጉ ነው የተነገረው።

መንግስትም የህገ ወጥ ተግባራን ለማስወገድ በሕገ ወጥ ዘራፊ ቡድን ተደራጅቶና ከነብስወከፍ እስከ ቡድን መሣሪያ ታጥቆ በካምፕ ሆኖ በርካታ ሕገ-ወጥ ድርጊት ሲፈፅም ከነበረው ኃይል ጋር ችግሩን በሕጋዊና በሠላማዊ መንገድ ለመፍታት ሲሞክር ነበረ ተብሏል።

ሆኖም ሕገ-ወጥ ተግባራት ተጠናክረው በመቀጠላቸው እና በፀጥታ ኃይሎች ላይ በተፈፀመ ጥቃት መንግስት እርምጃ መውሰዱ ነው የተነገረው።

በሕገ-ወጥ ቡድኑ ላይ በተወሰደው እርምጃ በከተማ መሬት ዝርፊያ፣ በሕገ-ወጥ የጦር መሣሪያ ዝውውር፣ በዝርፊያና በቅሚያ ተሰማርቶ የነበሩ ግለሰቦች ከዚህ ተግባር መቆጠባቸውን ከአማራ ክልል ኮሙኒኬሽን ጉዳዮች ቢሮ ያገኘነው መረጃ ያመለክታል።

የከተማዋ ፀጥታ ምክር ቤት ከዚህ በኋላ ለሕዝብ ሥጋት የሆነና መንግሥትን የሚገዳደር የታጠቀና የተደራጀ ቡድን እንደማይኖር ነው ያስታወቀው፡፡