ሚኒስቴሩ በ2015 በጀት ዓመት ዕቅድ ላይ ከተጠሪ ተቋማቱና ከክልል ውኃና ኢነርጂ ቢሮዎች ጋር በባሕርዳር ከተማ እየተወያየ ነው፡፡
የውኃና ኢነርጂ ሚኒስትር ሀብታሙ ኢተፋ በውይይቱ ላይ እንደገለጹት÷ ባለፈው ዓመት ብቻ ለተጨማሪ አምስት ሚሊየን ዜጎች የንፁህ መጠጥ ውኃ ማቅረብ ተችሏል።
የትናንቱ ስኬት ለነገ መነሻችን ነውና የ2015 በጀት ዓመት ዕቅዳችንን በጋራ በመከወን የበለጠ ውጤት ማስመዝገብ ይገባል ሲሉ አሳስበዋል፡፡
በንፁህ መጠጥ ውኃ እጥረት ሴቶች ረዢም ርቀት ለመጓዝ እየተገደዱ መሆናቸውን ጠቁመው÷ ባዮ ጋዝን፣ የፀሐይ ኃይልንና ማገዶ ቆጣቢ ምድጃዎችን በስፋት በማቅረብ የእናቶችን ድካምና ጫና መቀነስ እንደሚገባ በአጽንኦት ገልጸዋል፡፡
በሙሉጌታ ደሴ