አዲስ አበባ፣ ሐምሌ 14፣ 2014 (ኤፍ ቢ ሲ) የሩሲያ የውጭ ጉዳይ ሚኒስትር ሰርጌ ላቭሮቭ በመጪው ማክሰኞ ለይፋዊ የስራ ጉብኝት አዲስ አበባ ይገባሉ፡፡
ሰርጌ ላቭሮቭ በአዲስ አበባ የሁለት ቀናት ቆይታ እንደሚኖራቸው ታውቋል።
በቆይታቸውም ከከፍተኛ የመንግስት የስራ ሃላፊዎች፣ ከአፍሪካ ህብረት ተወካዮች እና ከተለያዩ ሀገራት የዲፕሎማሲ ማህበረሰብ አባላት ጋር ውይይት እንደሚያደርጉ በአዲስ አበባ የሩሲያ ኤምባሲ በተለይም ለፋና ብሮድካስቲንግ ኮርፖሬት ገልጿል፡፡
ላቭሮቭ ከአፍሪካ ሀገራት ዲፕሎማቶች ጋር በሚያደርጉት ውይይት በሩሲያ እና በአፍሪካ ሀገራት መካካል ያለውን ግንኙነት እና ትብብር ማጠናከር በሚቻልባቸው መንገዶች ዙሪያ ይመክራሉ ተብሎ ይጠበቃል።
ከዚህ ባለፈም በሁለተኛው የአፍሪካ-ሩሲያ ጉባኤ ዝግጅት ዙሪያ እንደሚመክሩም ኤምባሲው አስታውቋል፡፡
በወንደሰን አረጋኸኝ
ዘወትር ከእኛ ጋር ስላሉ እናመሰግናለን!