አዲስ አበባ፣ ሐምሌ 9፣ 2014 (ኤፍ ቢ ሲ) የተለያዩ ቴክኖሎጂዎችን በመጠቀም ቤቶችን ማደስ እና በአጭር ጊዜ የሚጠናቀቁ ቤቶችን በመገንባት የነዋሪዎችን የመኖሪያ ቤት ችግር ለማቃለል በትኩረት እየተሠራ መሆኑን የአዲስ አበባ ከተማ ከንቲባ ወይዘሮ አዳነች አቤቤ ተናገሩ፡፡
ወደፊትም በሌሎች አማራጮች የነዋሪውን የቤት ችግር ለመቅረፍ እንሠራለን ብለዋል።
በአዲስ አበባ ከተማ አስተዳደር ለአዲስ ከተማ ክፍለ ከተማ በዝቅተኛ የኑሮ ደረጃ ላይ ለሚገኙ ወገኖች የተገነባ የጋራ መኖሪያ ቤት ዕጣ በማውጣት ርክክብ ተደርጓል፡፡
ቤቶቹን÷ የአዲስ አበባ ከተማ ከንቲባ ወይዘሮ አዳነች አቤቤ መርቀው አስረክበዋል።
ከንቲባ አዳነች አቤቤ በቤቶቹ ምረቃና ርክክብ ስነ ስርዓት ላይ ባደረጉት ንግግር በከተማዋ የቤት ጉዳይ አንገብጋቢ መሆኑን ጠቁመው÷ የተለያዩ ቴክኖሎጂዎችን በመጠቀም ቤቶችን ማደስ እና በአጭር ጊዜ የሚጠናቀቁ ቤቶችን በመገንባት ችግሩን ለማቃለል እየተሠራ ነው ብለዋል፡፡
የቤት ግንባታው ከተያዘለት ጊዜ በመዘግየቱ ነዋሪዎች ቅሬታ እና ጥርጣሬ ውስጥ ገብተው እንደነበር ገልጸው÷ “እኛ የሕዝብን አደራ አንበላም፤ ይኸው ተጨማሪ አስር ሰዎችን መያዝ በሚችል መልኩ ግንባታቸው ተጠናቋል” ብለዋል።
ወደፊትም በሌሎች አማራጮች የነዋሪውን የቤት ችግር ለመቅረፍ እንሠራለን ብለዋል።
አሁን 29 አባዎራዎችን መያዝ የሚችለው የጋራ መኖሪያ ቤት ግንባታው ተጠናቆ 19 ነዋሪዎች እጣ በማውጣት ቁልፍ ተረክበዋል።
በዘመን በየነ
ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision
ዘወትር ከእኛ ጋር ስላሉ እናመሰግናለን!