አዲስ አበባ፣ ሐምሌ 1፣ 2014 (ኤፍ ቢ ሲ) የኦሮሚያ ብሄራዊ ክልላዊ መንግስት ርዕሰ መስተዳደር አቶ ሽመልስ አብዲሳ በምዕራብ አርሲ ዞን ዶዶላ ከተማ ከ350 ሚሊየን ብር ላይ በሆነ ወጪ የተገነባውን የዶዶላ ኢፋ ቦሩ ልዩ አዳሪ ትምህርት ቤት መርቀዋል፡፡
በምረቃ መርሐ ግብሩ ላይ እንደተገለጸው÷ ትምህርት ቤቱ ከሀገር ውስጥ ቋንቋዎች በተጨማሪ በቻይንኛ፣ ፈረንሳይኛ እና በዓረብኛ ቋንቋዎች ያስተምራል፡፡
ዘመናዊ የ አይ ሲ ቲ ላቦራቶሪ፣ ኮምፒውተር እና ወርክሾፕ ክፍሎች የተሟሉለት መሆኑ ተመላክቷል፡፡
በተጨማሪም ተማሪዎቹ የሚዝናኑበት መዋኛ ገንዳ ፣ አምፊ ቴአትር ቤት፣ ቴኒስ ኳስ፣ ቅርጫት ኳስ፣ መረብ ኳስ፣ ቼዝ እና ቴኳንዶ የሚሰሩበት ዘመናዊ ጂምናዚዬም ማካተቱን ኦቢኤን ዘግቧል፡፡
ትምህርት ቤቱ የሚገለገልበት የእንስሳት ማርቢያ እንዳለውም ተገልጿል፡፡
በትምህርት ቤቱ ቅጥር ግቢ የተገነባው የዶክተር ኃይሌ ፊዳ መታሰቢ ሐውልትም ተመርቋል፡፡
ዘወትር ከእኛ ጋር ስላሉ እናመሰግናለን!