አዲስ አበባ፣ ሐምሌ 1፣ 2014 (ኤፍ ቢ ሲ) የኢትዮጵያ ፕሪምየር ሊግ ክለቦች የ2015 ዓ.ም የውድድር ዘመን የመጀመሪያው የዝውውር መስኮት ዛሬ ተከፍቷል።
የተጫዋቾች የዝውውር መስኮት ዛሬ ሲከፈት ኢትዮጵያ ቡና ሁለት ተጫዋቾቹን የግሉ ማድረጉን አስታውቋል።
ቡናማዎቹ የአማካይ መስመር ተጫዋቹን አብዱልሀፊዝ ቶፊቅ እና የግራ መስመር ተከላካዩ ኃይለሚካኤል አደፍርስን ከሰበታ ከተማ አስፈርመዋል።
ተጫዋቾቹ በክለቡ ለሦስት ዓመታት የሚያቆያቸውን ውል ፈርመዋል።
የክረምቱ የተጫዋቾች የዝውውር መስኮት ከዛሬ ሐምሌ 1 ቀን እስከ መስከረም 19 ቀን 2015 ዓ.ም ድረስ እንደሚቆይ ከኢትዮጵያ ከእግር ኳስ ፌዴሬሽን ያገኘነው መረጃ ያመላክታል።
ወቅታዊ፣ ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ቴሌግራም፦ https://t.me/fanatelevision
ዘወትር ከእኛ ጋር ስላሉ እናመሰግናለን!