በህልውና ዘመቻው በጀግንነት ለተሰዉ እና የአካል ጉዳት ለደረሰባቸው የሚሊሻ አባላት እና ቤተሰቦቻቸው የእውቅና መርሀ ግብር ተካሄደ

አዲስ አበባ፣መጋቢት 18፣2014 (ኤፍ ቢ ሲ) በህልውና ዘመቻው በጀግንነት ለተሰዉ እና የአካል ጉዳት ለደረሰባቸው በምስራቅ አማራ ለሚገኙ የሚሊሻ አባላት እና ቤተሰቦቻቸው ከ27 ሚሊየን 600 ሺህ ብር በላይ የማበረታቻ ገንዘብ ሰጦታና የእውቅና መርሀ ግብር በሸዋሮቢት ከተማ ተካሄደ።

በቢሮ ኃላፊ ደረጃ የአማራ ክልል ሚሊሻ ጽህፈት ቤት ኃላፊ ኮሎኔል ባምላኩ አባይ÷ የሽብር ቡድኑ ህወሃት የተለያዩ አካባቢዎችን ሲወር በሰላሙ ገዜ የልማት አርበኛ የሆነው የሚሊሻ ኃይል ከሌሎች የፀጥታ ኃይሎች ጋር በመሆን ከፍተኛ መስዕዋትነት በመክፈል አሸባሪውን ቡድን አይቀጡ ቅጣት ቀጥቷል ነው ያሉት።