መንግስት መገናኛ ብዙሃን በነፃነት እንዲንቀሳቀሱ በትኩረት እየሰራ ነው – መገናኛ ብዙሃን ባለስልጣን

የኢትዮጵያ መገናኛ ብዙሃን ባለስልጣን ዋና ዳይሬክተር አቶ መሐመድ እድሪስ በመድረኩ ባደረጉት የመክፈቻ ንግግር፥ መገናኛ ብዙሃን በነፃነት እንዲንቀሳቀሱ መንግስት በትኩረት እየሰራ ነው ብለዋል::

የምክር ቤቱ ጠቅላላ ጉባኤ ሰብሳቢ ወ/ሮ ትዕግስት ይልማ፥ ለአባላትና ለተጋባዥ ተሳታፊዎች የእንኳን ደህና መጣችሁ መልዕክት አስተላልፈዋል::

የሀሰተኛ መረጃ ስርጭትን ለመግታት መገናኛ ብዙሃን ሚናቸውን በአግባቡ ሊወጡ እንደሚገባም ዋና ዳይሬክተሩ አሳስበዋል::

የሚዲያ ባለሙያዎች ዋነኛ ስራቸውን ቸል በማለት ፖለቲከኛና ማህበራዊ አንቂ በመሆን ሲንቀሳቀሱ ይታያሉ ያሉት ዳይሬክተሩ፥ የተሻለው ግን በያዙት ሚዲያ የህዝብ ዓይንና ጆሮ ሆኖ ማገልገል ነው ብለዋል::

ሚዲያ የተለየ ህዝባዊ ወገንተኝነትና አገልግሎት የሚጠበቅበት እንደመሆኑ፥ ሲቋቋምም ሆነ ሲሰራ በዚሁ እሳቤ ሊሆን ይገባዋል ነው ያሉት አቶ መሀመድ::

በኢትዮጽያ የፈረንሳይ ኤምባሲ ተወካይ ክላውድ ብሌቪን በበኩላቸው፥ ሀገራቸው ለሚዲያው ዕድገት ከኢትዮጵያ ጋር በትብብር እንደምትሰራ ገልፀዋል::

የኢትዮጵያ መገናኛ ብዙሃን ምክር ቤት 46 የሚዲያ ተቋማትን በአባልነት ያቀፈ ሲሆን፥ 16 የአዳዲስ አባላትን ጥያቄ ተቀብሎ አጽድቋል::

ኢትዮጵያን፦ እናልማ፣ እንገንባ፣ እንዘጋጅ
ወቅታዊ፣ትኩስ እና የተሟሉ መረጃዎችን ለማግኘት፡-
ድረ ገጽ፦ https://www.fanabc.com/
ፌስቡክ፡- https://www.facebook.com/fanabroadcasting
ዩትዩብ፦ https://www.youtube.com/c/fanabroadcastingcorporate/
ቴሌግራም፦ https://t.me/fanatelevision
ትዊተር፦ https://twitter.com/fanatelevision በመወዳጀት ይከታተሉን፡፡
ዘወትር፦ ከእኛ ጋር ስላሉ እናመሰግናለን!