Ummatta Qaafiyat Kee Amaana Caagiidil Baxaabaxsa Le Gital Cunxussah Tan Marittel Maaqatta Akah Beyan Innah Madqa Dagortih Amri Yontocowwe – Naharsi Malaakih Kutbeh Buxa
Addis Ababa, Qado Dirri 20, 2012 ILL (FBC) Awayi Waktil Ummatta Qaafiyat Kee Amaanal Baxaabaxsa Le Gittittel Ummatta Cunxussah Tan Marittel Maaqatta Akah Beyan Innah Qadli Dagortih Amri Yeceenim Naharsi Malaakih Kutbeh Buxa Qaddosse.
Tama Kutbeh Buxa Itiyoppiyal Yumbulleh Yan Koroonah Vayresit Arawah Anuk Oytitte Elle Yacen Innih Caagiida Wagsiisak Maybalaalaqa Tece.
Tama maybalaalaqal, Qaafiyat taqabi Baad Caddol Booda Wak, Dirab Oytitte Tabaatbsaanam Gexsi Taqabi Kinnim Warsen.
Faxe Gital Dirab Oytitte Kee Xaagu Akah Soltannah Dudda Haanamal Waaliah Gacaanam Faxximtam Kassiisen.
Federal Doolat KOVID 19 Dalka Wagittaamal Qaafiyat Malaakih katuk Oyta Misosaanam Kee Kulli Ayro Uammatta Fanah Tabsaanamih Taama Akkuk Geytimtam Qaddoosen.
Tahak Ossetinah Malokti Malah Buxak Tewqeh Tan Makaado Kee Kalah Tan Caddol Taamitta naba Makaadoh Tanih Tan Wakti Caagiidal Akkuk Geytimta Taamoomi Koobaahisaanam Kee Oyta Yaceenimih Taama Abak Geytimanam Naharsi Malaakih Kutbeh Buxa Tescesse.
Tama Kutbeh Buxa Ummatta Ta Taqabih Addat Sinni Siyaasah Tuxxiiqih Tangayyeh Tan Marittek Cubbi Abak Is Akah Dacrisan Innah Farmo Tatrusen.
Ayyunti Qaafiyatih Oyta Gitaak Iroh Warsaanah, Ummatta Akah Meysittanna Kee Akah Cunxittannah Innah Abtah Tan Marittel Madqa Gital Essertimiyya Lem Kee Baaxoh Inkittinaanet Adaf Takkem Kinnim Qaddoosen.
KOVID 19 Wagittaamal Oyta Taceh Tanimi Qaafiyat Malak Kee Itiyoppiyak Ayyunti Qaafiyatih Fanteena Dibuk Kinnim Tama Kutbeh Buxa Tiysixxige.