Turkil Yekke Baaxoh Angoyyat 8 Num Edde Rabe
Addis Ababa, Caxah-Alsak 15, 2012 ILL (FBC) Ayro Mawqa Turkik Van Rakaakayl Yekke Baaxoh Angoyyih Qawwalaylat 8 Num Edde Rabe.
Turkik Baaxoh Addah Caagiidih Malaakah Yan Suleyman Soylu Elle Qaddoosennal, Iraanat Cududuh Raqta Van Xiqsita Rakaakayat Tekke Qawwalayla Kinnim Qaddoose.
Tama Qawwalaylat Rabteh Tan Marittek Kalah 37 Yakke Mari Gidbi Qawwalayla Kee Dago Qawwalayla Keenit Boddem Yiysixxigen.
Rekter Iskelik 5.7 Elle Yunkuttubeh Yan Taa Baaxoh Angoyyi Qawwalaylal 1 Alfi 66 Takke Qimaarat Yiggilem Qaddoosen.
Ta Qawwalayla 43 Takke Caafatittet Boddem Qaddooseh yan Tama Malaaka, Ossetinah Gexsi Ummatta Cataanamih Taama Akkuk Geytimtam Warse.
Iraanak Fayya Le Reedon Elle Tascassennal, Qawwalaylah Udduurih Taama Abeynit Qawwalayla Edde Toofeh Tan Dariifa Fanah Ruubeenim Qaddoosen.
Turki Kee Iraanal Qagaaqagitak Baaxoh Angoyyi Qawwalayla Edde Takkeh Tan Baaxooxa Kinnoonum Tama Xaagi Yascasse.
Turkih Baaxol Tatre Alsih Addat Dibuk Tekkeh Tan Qawwalaylat 40 Num Edde Rabem Oyti Yascasse.
Raceyna:- Aljazeera