Taama Abeynit Kee Taama Miraacinni Koroonah Vayresik Kalalutaanam Elle Duudan Taamah Aroocah Radde Protokol Yeyyeeqen

Addis Addis Ababa, Qado Dirri 18, 2012 ILL (FBC) Taama Abeynit Kee Taama Miraacinnu Koroonah Vayresik Kalalitaanam Elle Duudan Taama Aracak Raddi Protokol Yewqe.

Taama Abeynit Kee Ayyuntiino Malaakah Tan Dr. Ergoge Tesfaye Baar Luk Fixiixak Geytima Koroonah Vayresik Gexxaamah Taama Abeynit Kee Taama Absissa Maritteh Fanat Yan Angaaraw Dumahinnal Bisoh Haanam Taqabi Kinnim Qaddosse.

Away Yewqe Protokol 3 Takkol Hinnammay Hinnammay Doolat Katuk, Taama Abeynit Kee Tamsissah Tan Maritteh Angaaraw Abinal Asiselem Tiysixxige.

Away Ta Vayres Agat Caddol Lafa Lafa Leh Tan Taama Luddak Madur Taqabi Kataasak Geytimamih Taagah Ta Protokol Tahim Cubbit Haak Bicseenim Kassisse.

Taamah Aroocah Raddi Rakiibok Tan Taamah Aroocal Ta Dalkak Kalali Cokda Tonnah Taama Abeynit Kee Tamsissah Tan Maritte Wagittaamal Caddook Caddol Abaanam Faxximta Cubbi Madqa Kee Xiinisso Maaqattootih Gubat Abaanam Faxximtah Tan Ximmooma Baar luk Daffeytehj Geytimtam Tescesse.

Tama Protokol Itiyoppiyak Taama Abeynit Eglaali, Industiri Tamsissa Maritte Kee Tamsissah Tan Dagortih Konfedereshinih Pirezdantitte Elle Geytimte Aroocal Faaticisen.

Taama Abeynit Kee Ayyuntiino Malaak Asaakuk Qado Dirrik 18 Sanat 2012 ILL Xabba Haanam Ta Protokolih Abnisiyya Kattat Abele.