Taaliyan Koroonah Vayres Kalalittuh 16 Miliyon Yakke Mara Baxissa Hayteh Tabbixe

Addis Ababa, Caxah-Alsak 29, 2012 ILL (FBC) Koroonah Vayresih Cunxook Gexxaamah Kilbatti Taaliyaanal 16 Miliyon TYakke Mara Baxissa Heenih (Kuwaratit) Akah Daffeyan Innah Abeenim Warsen.

Taaliyan Koroonah Vayres Kaxxam Baarimak Yemeteemik Ugut Abak Tama Lakima Kalalitoonu Kee Fixix Akak Yaynukusoonuh Baxaabaxsa Le Maaqattooti Beyak Geytimta.

Tahak Ugut Abak Tama Baxok Kilbatti Dariifal 16 Miliyon Yakke Mara 14 Takke Rakaakayittel Ila Qasa Dirri Fanah Baxissa Heenih Akah Yabbixen Innih Taama Abteh Geytimtam Qaddoosen.

Tama Dariifal Qawwalaylah Uddur Akke Waytek Gexsi Uddur Yawqeenih Tonnah Culaanam Waaseenih Waaso Lem Warsen.

Ahak Kalah Dagar Dig Qarwa, Giiri Arooca, Muziyemitte Kee Baraf Waaneh Arooca Alfeloonum Qaddoosen.

Tama Baaxok Naharsi Malak Juseppe Konte, Tannah Tan Maaqatta Inki Inki Adda Dagoh Tonnah Inki Inki Adda Gidbi Taqabitte Kassam Duddah Tanim Qaddoose.

Tamaha Lih Kulli Num Isi Masuuliyyat Edde Beya Wakti Kinnim Kassiise.

Taaliyan Doolat Koroonah Vayres Kataasa Qawwalayla Kalaluh Baritto Buxaaxi Kee Fayya Le Baritto Buxaaxi Alfeenih Geytiman.

Awayi Saaqatal Taaliyan Baaxol Koroonah Vayresik Gexxaamah 230 Yakke Mari Edde Rabak, 5 Alfi 888 Daga Yakke Mari Tama Biyak Yibbixeh Geytimam Qaddoose.