Taaliyaanal Koroonah Vayresit Rabe Marih Qadad 197 Gufe

Addis Ababa, Caxah-Alsak 28, 2012 ILL (FBC) Taaliyaanal Koroonah Vayresit Rabe Marih Qadad 197 Gufem Tama Baaxoh Reedon Qaddosse.

Tama Vayresit Yinxibbime Marih Qadad Kaaduk 4 Alfi 600 Gufem Yiysixxigen.

Inki Ayroh Addat Dibuk 49 Yakke Mari Rabem Kassiisaak, Ta Vayres Tama Baaxol Yumbelle Ayrook Xabba Haanam Aham Fayya Le Ximmo Kinnim Warsen.

Ta Vayresit Sinam Akak Rabte Baaxooxak Chaynak Katayak Fayya Le Caddol Sinam Akak Rabte Baaxo Tekkeh Geytimta.

Tama Baaxok Agat Qaafiyatih Inistituyutih Oyti Elle Yascassennal, Rabeh Yan Marak Boolul 72 Gaba Takkem Lab Mara Kinnim Qaddoosen.

Tama Baaxoh Caddol Koroonah Vayresit Yinxibbime Marak Boolul 4.25 Gaba Edde Rabak Geytimtam Tama Inistituyutih Oyti Yascasse.

Ahim Kaaduk Baadal Fayya Le Ximmo Kinnim Qaddoosen.

Tama Baaxoh Doolat Koroonah Vayres Abak Geytima Fixix Yaynukusoonuh Baritto Buxaaxi Kee Jaamiqatitte Alfeenih Geytiman.

Ahak Kalah Inki Inki Tama Baaxoh Dariifal Takke Ibi Koqsoh Qalayli Sooliseenih Geytiman.

Gexsi Kabuk Gabbi Koriyal Koroonah Vayresit 6 Alfi 767 Yakke Mari Edde Yinxibbemeh Geytimam Kee 46 Yakke Mari Edde Rabem Warsan.

Ossetinah Iraanal 3 Alfi 500 Yakke Mari Tama Vayresit Yinxibbime Mara Kinnuuk 124 Yakke Mari Rabem Qaddoosen.

Baadak Qaafiyat Eglk Naharsi Dayrekterih Yan Dr. Tedros Adcanom Ta Vayresih Fixix Uma Caddot Geytimam Ascassuuk, Kulli Baaxooxa Dudda Haanamal Kalalu Kee Loysis Taama Abaanam Faxximtam Yescesse.