Saqud Qarabiya Makka Fanah Yakke Safar Soolisse

Addis Ababa, Caxah-Alsak 19, 2012 ILL (FBC) Saqud Qarabiya Makka Fanah Yakke Safar Soolissem Tiysixxige.

Tama Safar Waaso, Diini Migaaqal Takku Gexsi Gitittel Tamaate Maritte Edde Waaseenim Yiysixxigen.

Ahak Sabab Kaaduk Koroonah Vayres Away Baarimak Geytimaamak Ugut Abak, Tama Vayresih Cunxok Aben Waaso Kinnim Warsen.

Tahak Ugut Abak, Saquudiya, Qumrah Makka Fanah Yakke Safar Soolisseh Tanim Qaddosen.

Tamaha Lih Koroonah Vayres Edde Geytime Baaxooxak Tamaate Ummatta Inkitanuuk Saquudiya Fanah Akah Cule wan Innah Abeenih Geytiman.

Islaaminna Ruknik 5 Hele Ruknih Yan Cajji Kulli Sanataak Inki Adda Yakkem Tamixxige.

Ahak Ugut AbkakAway 5 Alsih Gideh Akak Raqeh Geytima.

Kulli Sanatal Miliyoonul Loowimta Baad Ummatta Cajjih Makka Fanah Gexxa.

Away Sooliseenih Yanin Ta Safara, Ila Cajji Kee Qumra Fanah Sugak Suge Waamak Iyyeenim Matan.

Chaynak Wuhan Magaalak Ugutma Abeh Yan Koroonah Vayresih Fixix Baarimak Geytimamat Yaaban.

Ibak Gexah Temeete Maritteh Duufut A Vayres Afrika Kee Gabbi Ameerikah Baaxooxa Culeh Geytimam Kee Awroppal Taaliyanak Gutma Abak Gexsi Baaxooxa Fanah Fixiixak Geytima

Tahak Ugut Abak Baxaabxsa Le Baaxooxa Kaxxa Loysit Abak Geytimta.

Raceyna:- Aljazeera