Salam Malaakah Tan Mifarricat Kaamil Poolis Hospital Koroonah Vayresih Kalaluh Abak Geytima Taamat Gufne Abte

Addis Ababa, Qado Dirri 12, 2012 ILL (FBC) Salaam Malaakah Tan Gifti Mufarricat Kaamil Kee Tama Malaakak Fayya Le Mirocti Koroonah Vayresih Lalaluh Akkuk Geytimta Macalitte Aytikumusoonuh Federal Poolisih Hospital Kee Federal Poolis Kampit Gufne Aben.

Tama Gufnel A Ayyaamih Addat Ni Baaxo Fanah Culeh Yan Koroonah Vayresih Kalaluh Akkuk Geytimta Angagoyitteh Takkeh Taamah Faxximnta Qokolitte Kiboonuh Aban Cubbusso Kinni.

Federal Poolos Sissik Raddi Yaceenim Elle Duudan Butta Xisak Tonnah Sissik Matara Arooca Biciseenih Geytimaanam Tama Gufneh Aracal Qaddoosen.

Poolis aydakaakanih Fanteenal Poolis Adoytitih Faxximta Mabla Diggoysiyyih Baritto bYaceenimih Taama Kee Saytunaane Sinnik Edde Dacrisan Alaatitte Kiboonuh Macal Akkuk Geytimam Warsen.

Away Akkuk Geytimta Taamoomi Ahak Yaysennal Diggowtam Faxximtam Salaam Malaakah Tan Gifti Mufarricat Kaamil Qaddosse.

Poolis Adoytit Salaam Dacayrih Qabursi Caddot Yan Mara Kinnimih Taagah, Tama Dalkak Is Dacrisak Sinni Ummattah Mataraanam Faxximtam Tescesse.

Tama Gufnel Ta Dalka Kalalitaanam Elle Duudan Af Kee San Edde Buulan Saamanat, Gaba Edde Buulan Guwanti, Saabun Kee Keemikaalitteh Catotta Abeenih Yaniinim Salaam Malaakak Geyneh Nan Oyti Yascasse.