Rusiyak Duma Gittisso Buxak Saqalah Suge Num Cukmi Buxah Addal Isih is Qide

Addis Ababa, Caxah-Alsak 4, 2012 (FBC) Rusiyak Dumaahi Gittisso Buxak Saqalah Suge Num Cukmi Buxah Addal Isih Is Qidem Qaddoosen.

Viktor Siviridov Xiqsitah Yan Tama Num, Rusiyak Gittisso Buxak Merrayti Affaafak Naharsi Saqalah Suge Uddur 125 Alfih Doolar Ciggiila Dayrekteri Lik Hargemik Ugut Abak Baatilil Cukmi Buxal Kaa Xayyooseenih Sugen.

Tahak Ugut Abak, 3 Sanatih Casbih Margaqa Kal Elle Tatrusen Cukmih Buxah Addal Isih Is Qide.

A Cukmih Buxak Gaar-Kure, Tama Num Gittiso Buxa Fan Kaa Beya Eyye Margaqa Elle Tatrusakkel, Tama Num Abbaxuk Suge Girat Qansat Isik Aagaruk Isih Is Qidem Warsen.

Tama Cukmih Buxah Afak Yaabeyni Elle qaddoosannal, A Num Isih Edde Qide Silac Cukmi Buxa Fan Yemeete Wak Gabat Luk Yemeetemih Akkal Loonum Qaddoose.

Polis Is Lakuk Tama Num Isih is Qideemik Ugut Abak, Tama Cukmih Buxak Saay Dayarit Geytimta Dagortil Kusaq Abaanam Qimmiseenim Yiysixxugen.

Kanser Biyak Leemit Akak Yaabaanah Yanin Tama Num, Cukmi Buxal Xayyowaamak Naharat, Casbit Sugem Qaddoosen.

Raceyna:- BBC