Rusiya, Soriyak Idlib Rakaakayal Maysattaka Abe Waytem Tiysixxige
Addis Ababa, Caxah-Alsak 5, 2012 ILL (FBC) Rusiya, Sooriyak Idlib Rakaakayal Gabqasah Tan Baaxo Xaylot Maysattaka Abeteeh Iyyeenih Teetil Heen Baatil Dirabbosswe.
Ammacin Ayro, Idlib Rakaakayal, Abteh Akak Iyyan Maysattakat 14 Takke Gabqasah Tan baaxo Xaylo Edde Rabtem, Daffeyna Biritaaniyal Le, Soriyak Adan Baxi Ceeloh Anaakarta Egla Qaddosseh Sugtem Tamixxige.
Tama Egla Elle Qaddossennal, Tama Maysattakat Rabe Marih Fanak 7 Inki Buxah Marak Sugtem Qaddoosse.
Rusiyak Kalali Malak Is Le Katuk, Rusiya Annah Tan Maysattaka Maabinna Axcuk Dirabboose.
Tama Dariifal Qusba Addah Ugutteh Geytimta Kookaxawitte, Turkik Qambalsimak Sugtemik, Turkih Doolat Isi Masuuliyyatak Awqe Wayteemih Tekkem Warse.
Turki, Tama Dariifal Kookaxaw Bisoh Akah Iyyannah Abtah Tan, Carbi Silaacitte, Namma baaxoh Cududih Fanah Akah Cultannah Roksat Acayuk Geytimtam Yiysixxigen.
Tah Kinnimih Taagah, Tama Dariifal Tambulle Taqabitte, Waar Le Gurral Calli Akah Geysiisoonuh, Gita Maliinol Silaacitte Tabaatabsiya Loysisanamak Kalak, Tama dariifal tangayye Qarkakisa Kee Sadi Caylitte Sittak Barisaanam Faxximtam Rusiyak Kalali Malak Qaddose.
Tamahat Arawah Haak, Soriyak Kilbatti Ayro Mawqal, Ameerikah Qande Kee Tama Baaxok Aamanti Le Qandeh Fanat Yekkeh Yan Booduk Gexxaamah 1 Numih Qawwaddi edde Yewqem Tontobbe.
Tama Bood, Doolatak Aamanti Leh Tan Qande, Ameerika Miraacissa Tengele Qande, Tama Dariifa Fanah Carbi Silaacitte Cultam Mafaxximtaah Axcuk Qimmiseenim Warsan.
Raceyna:- Shinwa