Rusiya Kee Turki Soriyah Cagiidil Sitta Waak Geytiman
Addis Ababa, Caxah-Alsak 16, 2012 ILL (FBC) Rusiya Kee Turki Soriyah Caagiidil Loonuh Yanin Baxsi Baarimak Geytima.
Baxaabaxsa Le Baaxooxa Soriyah Kookaxawat Abak Geytiman Gabat Aglek Gexxaamah Tama Baxaoh Callih Yakkeh Yan Walalat Adaf Akkuk Geytima.
Soriyal Akkuk Geytima Carbit Turki Qokoltah Tan Sooriyah Gaadule Soriyah Doolatat Carbi Abak Geytimtam Kee Rusiya Is Le Katuk Kaaduk, Bashar Al-Asad Qande Qokolak Geytimta.
Tama Baaxooxa 9 Sanatih Gideh Yekke Carbi Kee 400 Alfi Takke Soriyah Xaylo Edde Rabteh Tan Tama Carbit namma Qara Gacca Iyyeenih Mari Isi Katul Uxih Iyyaanam Qokol Abak Geytiman.
Rusiyah Doolatih Qokol Leh Yan Sooriyah Qande, Sadi Caylih Arooca Gabak Bukkussuh Kaxxa carbit Geytimtam Kee Turki Is Le Katul Rusiya Kee Soriyak Gexsi Xaqut Gacca Inteh sadi caylitte Qokolak Geytimta.
Ta Dariifal Maca Tekkeeh…
Turkik Kalali Malaakak Soriyah Doolat Idlib Rakaakayat Abte Qaran Maysattakat 2 Takke qandeh Adoytit Edde Rabntem Keee 5 Xaagu Qat Raaqem Yiysixxige
Rusiyak Kalali Malak Is Le Katul Qimboh Addah, Turki Qarkakisa Butta Qokolak Geytimta Axcuk Yessecekke.
Turki Tama Gaaduleh Carbi Silaacitte Xayyosak Geytimtam Yescesseh Yan Tama Malaaka, 4 Takke Soriyah Qandeh Adoytit Edde Biyaakittem Qaddoose.
Ossetinah Tama Dariifal Mango Alaaqa Kee Sayyo Edde Rabtem Kee 1 Miliyon Yakke Mari Isi Gub Cabak Dabboh Gexem Yiysixxigen.
Turki Is Le Katuk, Gaadule Gabat Leh Tan Idlib Rakakayal Soriyah Doolatih Qande Akah Tabbixennah Rusiya Cato Abak Geytmtam Qaddoose.
Tama Baaxooxa Soriyah Caagiidil Loonuh Yanin Baxsa Calli Geysiisoonuh Qagaaqagitak Walal Gexseenim Takkay Ikkah Sitta Geyaanam Maduudinnon.
Sadi Caylittek Kaxxa Arac Kinniimit Edde Yaaban Idlib Rakaakaya, Tanih Tan Kookaxawitte Rusiya Kee Turki Girah Agra Sooloh Sittin Gey Akah Akke Wannah Abak Geytimaanam Warsen.
Takkay Ikkah Rusiya Kee Turkih Reedonu Tama Namma Baaxo Yanih Yan Taqabi Calli Akah Geysiisoonuh Angagayyuk Geytimaanamat Yaaben.
Rusiyah Xaagih Raceynak Geyeh Inteh xaagusseh Tan Royteris Xaagih Raceyna Elle Qaddossennal, Tama Namma Baaxo Idlib Rakaakayal Girah Agra Soolisiyyih Sittin Gey Akah Yakkennah Walal Abaanam Faxaanam Yascasse.
Tama Xaagi Elle Qaddoosannal, Tama Rakaakayal Girah Agra Soolo Kee Qarkakisa Ta Dariifak Yayyaqeenim Elle Duudan Walal Akkelem Qaddoosen.
Raceyna:- Mosko Tayims Kee Royteris