Qaran Merraytiitih Eglaali Koroonah Vayresik Gexxaamah 29 Biliyoonih Doolar Edde Weeloonum Warsen
Addis Ababa, Caxah-Alsak 13, 2012 ILL (FBC) Baadak Qaran Merraytih Egla Farangi Liggidih Loowo Sanat 2020 Koroonah Vayresik Gexxaamah 29.3 Biliyoonih Doolarih Kasaara Anelem Qaddoosen.
Tama Egla 10 Sanataak Lakal Qimboh Addah Qaran Merraytih Angagoyyi Ankuseleemih Akkal Yaniimih Iyta Qaddoosen.
Tamaha Lih Esiyak Pasfik Dariifal Geytimta Baaxooxak Qaran Merraytitih Egla Kaxxam Edde Biyaakitelem Warsen.
Ahim Kaaduk, Koroonah Vayres Kataase Cunxok Ugut Abak Baaxooxa Qaran Merraytih Affaf Yuynukuseenimik Ugut Abak Kinnim Yiysixxigen.
Tahak Ugut Abak, Esiyak Pasfikil Geytimta Baaxoxah Qaran Merraytih Eglali 27.8 Biliyoonih Doolaarih Lakqo Edde Weeloonum Kassiisen.
Esiyak Iroh Tan Baaxooxah Qaran Merraytih Egla Kaaduk 1.5 Biliyoonih Birri Kat=saara Ken Geyelem Qaddoosen.
Tahak Taturak Chayna A Luddal 12.8 Bilyoonih Doolarih Lakqo Wayele Axcuk Qambaalaanam Tama Eglah Oyti Yascasse.
Tama Eglah Akkalal Farangi Liggidih Loowok 2003 Xabba Haanam Geytimeh Yan Saars Vayresik Gexxaamah Tekkeh Tan Taqabitte Rakiibo Abak Yeyyeqen Oyta Kinni.
Raceyna:- BBC