Qafar Rakaakayal Amratuk Geytiman Sirray Murtit Gufne Aben
Addis Ababa, Caxah-Alsak 9, 2012 ILL (FBC) Federaal Kee Rakaakayak Fayya Le Mirocti Qafar Rakaakayak Awsi Rasih Xintok Dubte Kee Aysaqiiti Daqaaral Abak Geytimaanah Yanin Sirray Buqret Gufne Aben.
Ta Gufnel Buqre Malaakah Yanih Yan Gifta Qumar Cuseeniy, Lee, Efeq Kee Elmo Malaakah Yan Injiner Sileshi Bekele, Gabbi Qaxih Rakaakayak Ciggiila Saqalah Yan Gifta Ristu Yirdaw Kee Baabaxsa Le Fayya Tonna Meqm Abittoh Eglah Mirocti Edde Tengele.
Awayyih Uddur Baaxoh Caddol Sirray Yabqureenimih Abina Fan Haysitak, Sirray Afa Baaxok Baahanamak Ninni Baaxol Addam Amratuk, Maaqiddak Nini Dudnu Kee Wohuk Taturak Afa Qadaagah xayyoosak Afa Sharfi Akah Geytimannih Macal akkuk Geytimam Tamixxige.
Ta Gufnel Qafar Rakaakayal Takkeh Tanih Tan Sirray Buqre Meqe Caddol Geytimtah Tanim Kee Baxsa Luk Ta Sirray Tabqureh Tan Gersi Rakaakayittek Muxxi, Elle Taabakuk Geytimta.
A Buqret Qunxaaneyta Eglah Xisak BuqreTaamat Gabat Agle Akah Haysitan Innah Abaanam Faxximtam Yescessen.
Raceyna:- Qafar Rakaakayak Doolat Angaarawih Caagiidah Kutbeh Buxa