Pirezdent Sahle Werk Zewde Ameerikak Afa Caagiidah Malak Arcibisak Wallisse
Addis Ababa, Caxah-Alsak 10, 2012 ILL (FBC) Pirezdant Sahle Werk, Ameerikak Afa Caagiidah Malak Mayik Pompiyo Arcibisak Walal Kalli Abte.
Tama Walalat Yengeleh Yan Afa Caagiidah Malaakih Xeeta Ambasadder Redwan Cusen, Ta Walalak Lakal Elle Qaddoosennal, Pirezdant Sahle Werk Zewde Kee Popiyo Namma baaxoh Caagiidil Walaleenim Yiysixxige.
Away Itiyoppiyal Akkuk Geytima Riformi Taamal Walal Gexseenim Kassiiseh Yan Ambasadder Redwan, Away Akkuk Geytimta Taamah Ameerika Abak Sugte Qokol Diggoyselem Qaddoose.
Tellemmo Kee Investimenti Luddal Baxsa Luk Ameerikah Gaddaloola Itiyoppiya Fanah Amaatuk Akah Taamitan Innih Ameerikah Doolat Qokol Akah Abtannah Pirezdanti Sahle Work Esserte.
Ameerikak Afa Caagiidah Malakah Yan Pompiyo Is Lakutk, Itiyoppiya Dariifa Salaamih Dacayrih Abak Geytimta Macal Faylise.
Ta Macal Kaaduk Ameerikah Qokol Diggoyseleemit Yaabemi, Ambasadder Redwan Qaddoose.
Tamaha Lih Afa Caagiidah Malak Gifta Geddu Andargachew Ameerikak Afa Caagiidah Malak Mayik Pompiyo Lih Walale
Tama Walalal,Nammay Takko Kee Baad Caddibnih Angaarawal Walal Abeenim Qaddoosak, Itiyoppiya Kee Ameerikak Amolladih Angaaraw Fayya Le Caddo Fanah baahaanam Elle Duudan Ximmoomal Walal Gexsen.
Gifta Geddu Tama Walalal, Pompiyo Itiyoppiyal Abak Geytima Gufne Namma Baaxok Sugeh Yan Ayudaadu Le Angaaraw Akah Diggowannah Abam Kassisaak, Ameerika Itiyoppiyah Abak Geytimta Qokol Faylise.
Pirezdant Tiramp Kee Ameerikah Doolat, Itiyoppiya, Masri Kee Suudan, Asqassaabe Karawwadak Lee Kibne Kee Cartiyyi Caagiidil Abak Geytiman Macalah Gadda Gacse.
Itiyoppiya, Masri Kee Suudan Abak Geytiman Walal, Ameerika Malakmis Taamal Sittat Xayyossuh Abak Geytimta Macal Fayliseh Yan Gifta Geddu, 3 Baaxooxa Lee Kibneh Caagiidil Mango Ximmoomal Sitta Elle Geyeenim Takkay Ikkah, Raqteh Tan Caagiidal Gexsi Ayro Sittin Gey Gufeloonum Qaddoose.
Gifta Geddu Ossetinah, Itiyoppiya Qidaddol Baxsa Luk Canka Luddih Qidaddo Fayya Haytuh Doolat Katuk Baxsa Le Hangi Akah Yontocowweh Geytimam Tescesse.
dariifa Salaam Kee Nagayniina Akah Diggowannah Itiyoppiya Abak geytimta Taamak, Baxsa Luk Somaliyak Al-Shabab Giclot Tekke Taama, Gabbi Suudaanal Salam Akah yamaatennah Akkuk Geytimta Taamoomih Addaffakot Abe.
Ameerikak Afa Caagiidah malak Mayik Pompiyo Is Laktuk, Ta dariifal Abak Geytimta Taamah Gadda Gacse.
Ameerika, Itiyoppiyak Qidadd Riformi Qokoltuh Baxsa Le Hangi Akah Acayuk Taamitak Geytimtam Kee Milaagi Amaateleemih Kibal Lem Qaddoose.
Asqassabe Karawwadak Lee Kibneh Caagiidil 3 Baaxooxa Abak Loonuh yanin Baxsa Calli Akah Geyeloonumih Kibal Lem Warse.
Ameerikak Afa Caagiidah malak Mayik Pompiyo Taama Gufneh Bir Addis Ababa Culem Kee Baxaabaxsa Le Doolatak Fayya Le Mirocti Lih Walal Gexsele Axcuk Qambaalan.