Niijeril Catotta Daro Harigtuh Qambaalak Suge Maritte Sittat Abte Gutuutuqot 20 Num Edde Rabe
Addis Ababa, Caxah-Alsak 10, 2012 ILL (FBC) Nijer baaxol Catotta daro Harigoonuh Qambaalak Sugteh Tan Maritte Sittat Abteh Tan Gutuutuqok Gexxaamah Ibi Itqat 20 Num Edde Rabe.
Nijerik Diifa Xiqsitta Magaalal Cato Daro Harigoonuh Qambaalak Sugte Ummattah Yekkeh Yan Gutuutuqot, Ibi Itqat 20 Num Edde Rabem Kassisaak, Tamakkeh Fanak Mango Edde Rabteh Tenem Sayyo Kee Alaaqa Kinnim Qaddoosen.
Ta Rabeh Yan Marak Kalah 10 Num Umannah Edde Raqtem Warsen.
Ta Gutuutoqo Qawwalayla Akah Boddu Duddemi, Cato Elle Yacen Aracak Magaazin Afa Faken Wak Qimbol Culoonuh Aben Gibbatu Kinnim Yiysixxigen.
Tama Dariifak Kilbatti Ayro Mawqa Nijiril Bokucaram Abtah Tan Maysattakak Ugut Abak Dabboh Temeete 120 ALfih Num Geytimam Qaddoosen.
Raceyna:- BBC