Nahrsi Malak Dr Abiy Acmad Baxaabaxsa Le baaxooxah Mirocti Lih Walal Gexse

Addsi Ababa, Caxah Alsak 2, 2012 (FBC) Naharsi Malak Dr Abiy Acmad Baxaabaxsa Le Baaxooxah Mirocti Lih Walal Gexse.

Naharsi Malak Dr. Abiy Acmad, Gabbi Suudan Prezdantih Yan Salvakir Mardiyat Lih Baaxol Salaam Baahaanam Elle Duudan Caagiidil Walal Abeenim Naharsi Malaakih Kutbeh Buxak Pirees Sekreteriyatak Saqalah Yan Gifta Nugusu Tilahun Xaagi Qawah Yece Maybalaalaqal Qaddoose.

Tama Walalal Gabbi Suudaanal Tabsi Doolatih Xisneh  Caagiidil Gufeenih Sugen Sittin Gey Abinal Akah Asisan Innah Oggoleh Yanim Qaddoose.

Wohuk Taturak Gabbi Suudaanak Mango Mari Dabboh Amaatuk Itiyoppiyal Iraawiteenim Kassiisak, Gabbi Suudaanak dabbo Maritte Itiyoppiyal Kataasan Taqabih Caagiidil Walal Aben.

Tamaha Lih Gabbi Suudaanih Salam Itiyoppiya Kee Dariifal Geytimta Cuiggaane Baaxooxah Kaxxa Tuxxiq Lem Tama Aracal Qaddoosen.

Gexsi Kabuk Jabuuti Prezdamntih Yan Ismaqil Qumar Geelle Lih Gexse Walalal, Rakiibo Daddoosih Maysaasa Baxsa Luk Fordah Affafih Caagiidil Walal Gexsen.

Wohuk Kalah Iyya Babur Merraytih Affaf Sissakaane Akah Yallennah, Tonnah Qidaddoh Agle Caagiidal Walal Aben.

Naharsi Malaka, Giinih Prezadantih Yan Alfa Konde Lih Qaran Guba Kee Dariifa Caagiidil Walal Gexse.

Ossetinah Naharsi Malak, Aljeeriyah Prezdantih Yan Qabdul majid Tibon Lih Ayro Mawqah Afrika Kee Saacil Dariifah Angaaraw Diggoysaanam Elle Duudan Caagiidil Walal Gexse.

Tama Mirocti Itiyoppiya Kee Aljeeriyah Fanat Yan Meddemer/Ossimiyyi Angaaraw Namma Baaxoh Tanfiqe Fantaaxaw Diggoysiyyah Kaxxa Dudda Akkelem Abeenih Yanin Walalal Yescessen.