Naharsi Mufti Cajji Qumar Idris Koroonah Vayresih Lakima Wagsiisak Farmo Tatruse
Addis Ababa, Qado Dirri 10, 2012 ILL (FBC) Itiyoppiyak Islaaminna Caagiidak Daga Raqta Malah Buxah Pirezdantih Yan Naharsi Mufti Cajji Qumar Idris Koroonah Vayres Wagsiisak Farmo Tatruse.
Tama Farmol Tellemmo Abtah Tan Maritte Kee Gaddaloola Qayxiixah Sadaka Abaanam Faxximtam Kassiise.
Taqabi Boodam Qammalak Limo Osisaanam Islaaminnal Kaxxa Waaso Lem Kassiisaak, Tah Abtah Tan Maritte Is Missossam Faxximtam Kee Doolat Madqa Gital Maaqatta Keenil Beyam Faxximtam Qaddoose.
Jumqa Salat Kee 5 Waktih Salaatih Caagiidal Qulama Lih Walalak Calli Akah Geytimam Fanah Awayih Ibak Tatrusen Margaqa Alle Waanam Yiysixxige.
Takkay Ikkah Inkih Tan Ummatta Ahak Cubbi Abtam Faxximtam Kassiise.
Qunxaaneyti Meqem Abitto Taamat Gabat Agle Haysitak Aban Taamah Gadda Gacse.
Zina Temeggek Dalka Tamaggeeh, Umaane Temeggek, Kullikket Carbi Yamaggeh Mango Ummatta Edde Rabtam Kassiisah Yan Mufti Qumar Idris, Ummatta Yallak Meysiitaanam Faxximtam Yiysixxige.
Tamaha Lih Inkih Tan Ummatta Yalla Fanah Taduurem Faxximtam Kassiisaak Uma Taamak Isnni Dacrisaanam Faxximtam Kee Qaafiyat Mihratleelah Fayu Abbuk Abinal Asisaanam Faxximtam Qaddoose.