Naharsi Malak Edde Geytime Asqassaabe Karawwadih Xisne Wagittaamal Walal Akkuk Geytima

Addis Ababa, Caxah-Alsak 9, 2012 ILL (FBC) Naharsi Malak Dr. Abiy Acmad Edde Yengele Asqassaabe Karawwadih Xisne Wagittaamal Walal Gexisak Geytiman.

Naharsi Malakih Kutbeh Buxah addal Gexisak Geytiman Tama Walalal, A Karawwadih Caagiidil Gexisak Geytiman Sittin Gey Gudguditte Elle Gexxanna Kee Afkanitte Wagittaamal Walalak Geytiman.

Tama Walalal, Malokti, Karawwad Caagiidih Anaakarta Makaadoh Adoytit, Ayti Gexxo Leh tan Maritte Kee Baxaabaxsa Le Ayyunti Dagorti Edde Angaluk Geytimtam Tama Oyti Yascasse.

Farangi Liggidih Loowok Caxah-Alsak 12-13 Sanat 2020 Fanah Washingitoon Diisil Itiyoppiyak Nabah Yan Asqassaabeh Karawwadih Caagiidil Lee Kibne Kee Elle Caxan Innih Caagiidil Sittin Gey Alhun Bicisoonuh Yeke Walal Elle Faxxiimannal Gaba Kale Kal Raqem Tamixxige.

Lee, Efeq Kee Elmoh Malaakah Yan Doktor Injiner Sileshi Bekele Miraacisa Itiyoppiyah Erga, Masri Kee Suudan Erga Lih Madqa Caagiidil Yekke Suge Walalalak Lakal Gexsi Exxal Washingitoonul Abeeni Sugen.

Takkay Ikkah Tama baaxooxa Karawwadak Lee Kibne Kee Cartiyyi Caagiidil Sittin Gey Alhuunul Sittin Geyil Maade Kal Gaba Kaleenim Ameerikal Itiyoppiyah Ambasadderih Yan Fistum Arega Qaddooseh Sugem Kassitna.