Naharsi Malak Dr. Abiy Acmad Itiyoppiyah Xisneh Qimboh Abto Takkem Nek Faxximtam Qaddose

Addis Ababa, Caxah-Alsak 18, 2012 ILL (FBC) Naharsi Malak Dr. Abiy Acmad Konnabna Le Baaxo Alle Kal Konnabna Le Ummatta Ane Waytam Aaxaguk, Itiyoppiyah Xisne Yaakume Abina Nek Takkem Faxximta Qaddoose.

Naharsi Malak Asaakih Ayro Duraameh Fanah Gexem Tamixxige.

Naharsi Malak Dr. Abiy Acmad, Kembata Tembaaroh Rasuk Duraameh Magaalah istadiyoomul Geytimak Ummatta Foocal Yab Abe.

Tama Yaabal, Inki Numuh Ayyunti Faxxiima, Ayyuntah Kaaduk Baaxo Faxximtam Qaddoose.

Tahak Ugut Abak Isi Kinnaane Xabba Heeh, Maqar Le Baaxo Xisneh Isinni Masuuliyyatak Yawqeenim Faxximtam Kassise.

Ni Abbowti Qabala Akah Caxahk, Lafak Akah Addigilluk Aham Fanah Neh Sugusse Baaxo Fayya Le Caddoh Tet Beynuh Awayi Qasrih Horal Tan Dirki Kinnim Yiysixxige.

Away Yanih yan Milaagul Baxaabaxsa Le Gittittet Adaf Edde Boodak Geytimtam Takkay Ikkah, Nek Safar Gitih Wadba Biso-Maxco Kinni Axcuk Abeh Yan Yaabal Qaddoose.

Qayxiixinna Le Baaxoh Addal Geytima Qayxiixxuk Yan Rakaakay, Rasu Kee Daqaara Kinni Kasiiseh Yan Naharsi Malak Dr. Abiy, Inki Mogoy Akkuk Ninni Ummattah Manoh Milaagu Bahe Waynam Tekkeki, Numtin Amoh Xalootul Rufto Geytimtam Duude Waytam Yescesse.

Gabbi Rakaakayak Ciggiila Saqalah Yan Gifta Ristu Yirdwa Is Le Katuk, Qimmimeh Yan Milaagu Digga Luk Bisoh akah Iyyannah, Rakaakay Ummatta Doolat Xaqut Soltam Faxximtam Qaddoose.

Qimmimeh Yan Milaagi Safar Diggoysak Biso-Maxco Arac Akah Xagtannah Taamitoloonum Kassise.

Naharsi Malak Dr. Abiy Acmad Awayi Saaqatal,Kembata Tembaaroh Rasuk Kee Dariifak Tewqeh Tan Baxaabaxsa Le Ayyunti Awlaytiiti Lih Walal Abak Geytima.