Itiyoppiyak Agat Kee Agattiinah Ummatta Isinni Baaxo Gexsi Caylah Tabisseh Ace Waytam Naharsi Malak Qaddoose
Addis Ababa, Caxah-Alsak 28, 2012 ILL (FBC) Naharsi Malak Dr. Abiy AcmadDawroh Rasih Ayyunta Lih Terchah Magaalal Walalak Geytima.
Naharsi Malak Dr. Abiy Acmad Magaalah Istaadiyoomul Geytimak Farmo Tatruse.
Tama Farmol Itiyoppiyak Agat Kee Agattiino Isinni Baaxoh Cudud Gexsi Caylah Tabissa Heenih Mayacan Axcuk Qaddoose.
Dawroh Ummatta Gexsi Itiyoppiyah Xayloy Isi Tookobo Lih Gacak Isinni Baaxo Faxximtah Tan Biso-Maxco Fanah Beyaanam Faxximtaamih Seeco Xayyoose.
Tama Yaabal, Dawroh Ayyunti Itiyoppiyah Kunnabna Dacrisoonuh Carbi Booral Fida Tekke Agiirak Tan Ummatta Kinnim Qaddoose.
Qajiibik Yan Aydaadu Kee Gino Gadda Le Dawroh Ummatta Lih “4 Kaalibiik Amaate Wayte Itiyoppiyah Ummatta Matan” Axcuk Qaddoose.
Dawroh Ummatta Cadok Taturak Lafa Tasgayye /Dinke/ Xiqsita Gaad Silaac, Chaynah Gasok Addah Axce WaytaKe;lla Halaala Xaahi Rortih Gadda Le.
Sittah Kurra Hayteh Takmem Dibuk Hinnay Sitta Luk Miraacisaanamih Dudda Loonum Kassiisak, A Abtot Meqennah Edde Yantiffiqimeenim Faxximtam Kassiise.
Dawroh Ayyunti Itiyoppiyah Kunnabna Tabseh Ace Wam Kassiisak Fooca Fanah Sittin Kacanul Ninni Baaxo Biso Maxco Mallayta Fanah Beynam Nek Faxximtam Axcuk Qaddoose.
Dawroh Rasuk 10 Awdoodi Kee Terchah Magaalah Ayyunti Naharsi Malak Dr. Abiyyi Acmadah 177 Sangi Agur, Wadar Kee Subac Edde Anuk Ossetinah Dawrok Qaada Gadah Edde Yantiffiqimen Dinkeh Silac Acwah Kah Yeceenim Warsen.