Addis Ababa, Caxah-Alsak 11, 2012 ILL (FBC) Ameerikak Afa Caagiidah Malak Mayik Pompiyo Itiyoppiyal 2 Ayroh Abak Suge Taama Gufnek Gaba Kale.

Mayik Pompiyo Abeh Yan Taama Gufnek Gaba Kallaheh Yuduure Wak, Afa Caagiidah Malak Gifta Geddu Andargachew Boolek Qalam Tayyaarah Booral Rubsus Kaah Abe.

Tama Afa Caagiidah Malak Itiyoppiyal Abeh Yan Taama Gufnel, Pirezdanti Shale werk Zewde, Naharsi Malak Dr. Abiy Acmad, Afa Caagiidah Malak Gifta Geddu Andargachew, Afrikah Inkiinoh Komishinerih Yan Musa Faki Macamat Kee Baxaabaxsa Le Ayyunti Exxaaxi Lih Baxaabaxsa Le Ximmoomal Walal Gexse Suge.

Ameerikak Afa Cagaiidah Malakih Kutbeh Buxa, mayik Pompiyo Abeh Yan Taama Gufne Wagsiisak Yeyyeqeenih Yanin Gabbaaqul, Taturteh Tan 2 Sanootah Itiyoppiyal Qidaddo Doorit Baarisoonuh, Tellemmoh Bica Le Dariifa Ginoonuh, Tonnah Taama Ginaanamih Saami Aytikumusoonuh Ameerika 117 Miliyoonih Doolaarih Qokol Abtem Qaddoosen.

Tonnah Ta Baaxo Itiyoppiyal Akkuk Geytima Milaagu Qokolak Geytimtam Kassisak, Fooca fanah Agat Caddol Yakku Wah Yan Dooro Qokoluh 37 Miliyoonih Doolar Agatak Dooro Bordih Qokol Abeenim Yiysixxige.