Mala Buxa Beera Gexissu Waytah Tan Daffeynal Baxaabaxsa Le Margaqooqi Tatrusele Axcuk Qambaalan

Addis Ababa, Caxah-Alsak 30, 2012 ILL (FBC) Ummattah Awlaytiitih Malah Buxak 5hele Taama Dabaanak 13hele Madabiino Kobox Beera Gexsele.

Geera Gexsoonu Waanah Yanin Tama Daffeynal Baxaabaxsa Le Margaqooqi Tatrusele Axcuk Qambaalan.

Tama Madabiino Koboxul Sanat 2012 Hele Miizaaniyyat Sanatak Federaal Doolatak Ossetina Miizaaniyyat Kee Aweqta Elle Yabbixen Innih Caagiidak Missos Kukta Kusaaqisak Wagittah Tan Maytani Makaado Fanah Ruubele Axcuk Qambaalan.

Tonnah Itiyoppiya Kee Saqud Qarabiyak Daddos Fendi Fanal 2hele Saytun Maqab Leeh Xayyoosiyyay, Nadaafatta Kee Saytunaane Taddeerah Abnisiyyih Abuud Sittin Gey Faaticisoonuh Xayyoosen Kukta Kusaaqisak Faaticiseloonum Warsen.

Itiyoppiya Gabbi Koriyah Doolat Kee Koriyah Ekspertitte -Import Bankih Fanal Adaama Saynis Kee Teknoloji Jaamiqatak Ixxiga Fanteena Edde Xisoonuh Abnissoh Takke Abuiud Sittin Geyih Xayyoosen Kukta Faaticiselon Axcuk Qambaalan.

Tamaha Lih Afrikah Inkiinoh Simbil, Saare Kee Afrikah Ayrok Agunti Kukta, Iroh Ooditih Qagaaqagitiyya Raaqisoonuh Yeyyeeqen Oodit Kuktay, Itiyoppiyak Pires Eglak Taama Abeynit Xiinissoh Agunti Edde Xinta, Kee Cisaab Kusaaqih Affafih Korporeeshin Qagitak Xisoonuh Bicsen Agunti Edde Xinta Kusaaqisak Wagittah Tan Maytani Makaado Fanah Ruubelon Axcuk Qmbaalaanam Mala Buxak Kutbe Buxak Geyne Oyti Yascasse.