Koroonah Vayresit Kaxxam Edde Biyaakitteh Tan Taaliyanak Lombardeh Rakaakayal Kaxxa Maaqatta Beyak Geytiman

Addis Ababa, Qado Dirri 13, 2012 ILL (FBC) Koroonah Vayres Edde Culteh Taan Taaliyan Tama Vayresit Kaxxam Edde Biyaakitak Geytimta Lombardeh Rakaakay Tama Vayresih Kalaluh Takkem Duddah Akak Iyyan Maaqatta Beyak Geytimta.

Lombardih Ummatta Ayyaam Masruufih Xaamiyya Kee Cankah Dagar Dig Angagoyyitte Aboonuh Takku Faxe Faxe Sababal Buxak Yawqeenim Duude Waanam Qaddosen.

Taaliyan Rakaakayak=h Tan Lombardi Tama Maaqatta Akah Beytu Duddeh Tanimi, Sawti Ayro Dibuk 800 Yakke Mari Tama Koroonah Vayresik Gexxaamah Teetik Edde Rabteemik Ugut Abak Kinnim Warsen.

Taaliyaanal Rabteh Tan 4 Alfi 825 Numih Fanak 3 Alfi 95 Numih Rabi Akak Yunkuttubeh Yanim Lombardeh Rakaakay Kinnim Yiysixxigen.

Tama Rakaakayih Pirezdantih Yan Atiliyo Fontaana, Lombardeh Raakakay Inkih Tan Tellemmo Arooca Faxximtah Tan Alaatittek Iroh Akah Alfimtannah Margaqa Tatruseenim Yeceh Yan Maybalaalaqal Kassiise.

Tahak Taturak Hospitaalitte, Gita Kee Qiyya Baabur Cadiidih Taamittah Tan Maritteek Iroh Wohuk Kalah Tan Taamal Tan Maritte Taama Akah Soolisan Innah Aben.

Tama Baaxol Tuh Angagoyyitte Akah Akkae Waytannah Margaqa Tatruseenih Geytimaanam Qaddoosen.

Takkay Ikkah Supper Marketitte, Diwa BUxaaxi/Farmaasitte, Posta Qarwa Bankitte Kee Ummatta Merrah Affaf Taceh Tanih Iyya Taamal Elle Sugelem Yiysixxigen.

Taliyaanal Koroonah Vayresih Dalka Kalalitoonu Kee Loysiisoonuh Baxaabaxsa Le Maaqatta Beyak Geytimaanam Takkay Ikkah Ta Vayres Yabbixe Mara Kee Qidah Yan Marih Qadad Fayya Axcuk Geytimam Warsan.

Away Taaliyaanal Amolladih 53 Alfi 578 Num Tama Vayres Yibbixeh Geytimam Kee 6 Alfi Yakke Mari Kaaduk Ta Vayresik Qaffooteenih Yaniinim Warsan.

Aham Fanah Baadal 300 Alfiik Daga Yakke Mari Ta Vayresit Yinxibbimeh Geytimam Kee 13 Alfiik Daga Yakke Mari Tama Vayresit Rabteh Geytimta.