Koroonah Vayresih Kalalu Takku Qasqassaabe Karawwadak Gaba Kalnuh Inkih Tan Itiyoppiyah Xaylo Tu Baxsa Alle Kal Inki Qandeh Innal Agirinnal Yattikiyyeenim Faxximta – Naharsi Malak Dr. Abiy

Addis Ababa, Qado Dirri 23, 2012 ILL (FBC) Naharsi Malak Dr. Abiy Acmad Wakti Caagiidil Farmo Tatruse.

Inkih bTan Farmo Ciggilak Xayyoowele.

Koroonah Vayres Kalalitennooh, Karawwadak Gaba Kalenno

Massakaxxa Le Yi Baaxoh Ummattay

Asqassaabe Karawwadih Xisne Edde Qimmime 9hele Liggida Edde Nassakaxxe Ta faxxiima Udduur Namma Aqayyaare Net Boddeh Geytimta. Qimboh Aqayyaare Koroonah Vayresih Dalka Kinnim Kee 2hele Aqayyaare Kaaduk Asqassaabe Karawwadih Xisne Wagiita Caagid Kinni.

Inkih Akah Naaxigennah, Nanu Sihadayti Baxak Kaxxam Faxximtah Taniimi Mano Kinni, Ta Gadda Gaba Nek Bukkusam Faxa Koroonah Vayres Kulli Numih Buxak Afa Garil Sooleh Geytima.

Tama Vayres Sinam Akak Yabbixe Giti, Sinam Kee Sinam Fanah Xagam Xagiyya Abam Kee Baarimiyyi Kak Kaaduk Kaxxaam Sissikaanet Gexak Geytimam Tambulle Numma Kinni. Away Saaqatal Tama Dalka 201 Baaxooxa Culeh Geytima.

Kaxxa Fixix Edde Amballayuk Geytimta 10 Takke Qabursi Baaxooxak Amolladih Koroonah Vayres Boolul 80 Gaba Yekkeh Geytima.

Boolul 90 Gaba Rabi Edde Yunkuttubeh Yanim Kaaduk tama Baxaooxa Kinni. Koroonah Vayresih Fixixiik Gexxaamah Maddur Kee Dadalal Kaxxa Caddo Gufteh Tan baaxooxa Kaxxa Taqabih Addat Geytimta.

Ni Baaxol Tama Dalkah Qadad Away EddeYaniimik Ayyaamitteh Addat Fayya Axcuk Amaatele. Yalla Kinnih Rabi Yanim Bictah.

Away Tama Dalka Addis Ababak Taturak Rakaakay Magaaloolil Amballayuk Geytima. Loysiis Akak Naffareemik Naharat Dacarsittoh Xiina Kee Buqreh Xiinah Ayyuntih Dariifa Fanah Akah Cule Wannah Sitta Lih Macalnam Nek Faxximta.

Doolat Katuk Cubbih Takke Taamoomi Abinal Akah Assannah, Kalalu Kee Dayli Alaatitte Kulli Dariifa Gufsaanamih Taamah Hangi Acayuk Taamitak Geytiman.

Baritto Buxaaxi Kee Doolat Taamah Arooca Edde Anuk Ummatta Elle Tamagge Arooca Alfaanamaay, Ummatta Merrah Affafitte Takke Angagoyyitte Akah Soltannah Kee Kalah Tan Maaqattooti Beyak Geytimna. Tama Maaqatta Abinal Akah Assannah Faxximta Xisneena Akah Bicteh Geytimta.

Massakkaxxa Le Yi Baaxoh Ummatta

Away Ni Baaxo Cubbi Akah Abtaah Tan Qasqassaabe Karawwad Kinnuuk, Tama Karawwadah Ayrol Nakme Maaqiddak Kurrasitta Hayneh Akah Kurra Hayteh Sittin Qokolul Xisak Takke Gufusnem Dibuk Hinnaya Abnaamih Xiqto Elle Nuybulle Kaxxa Gadda Kinni.

Ninni Karawwadah Kaxxa Ni Haysitak Baaxo Kunnabanah Astaay, Ni Fantaaxawih Akat Akkuk Geytima. Tamaate Karma Xisnek Gaba Kalak Leek Kibaanamih Taama Qimmisenno.

Koroonah Vayres Away Tama Caagiidih Luk Sugne Hangi Nek Aynukusuk, Karawwad Xisne Wadirih Giitaak Taqabi Kataasam Raq Mali.

Tama Dalkah Meysih Karawwad Xisne Wadirih Haynam Mafaxnna. Aham Fanah Aynabuk Nemeeteh Iyyak Xalu Akak Nabaluh Akah Sengelleh Iyya Away Net Boodeh Yan Calwalal Nek Barqam Mafanna.

Away Tama Koroonah Vayresih Dalka Koositnuh Abna Giclot Meqe Xalu Edde Geyna Safar Kulli Itiyoppiyah Xaylo Sorkocobaxat Geytimtam Faxximta.

Buxal Daffeyaanam Kee Xayih Xayih Saytunaane Ninnik Dacrisak Koroonah Dalkak Kalalitak, Gexsi Kabuk Xisnek Gaba Kalak Sissikuk Lee Kibne Akah Qimmimannah Dudda haynaamal Ninni Masuuliyyatak Nawqay.

Laakin Mango Uddur Taama Barte Dagar Buxah Addal Daffeyaanam Kaxxam taqabi Kinni. Maddur Kee Sitta Luk Alliyyi Taqabi Nel Kataasam Duuda.

Takkay Ikkah Gexsi Kabuk Tama Saami Meqe Abtol Asisnam Nek Faxximta. Xaltani Sinni Xalaayah Kacanu Edde Yaceenih, Qsaalala Leh Tan Maritte Fooci Manoh Ikraaro Edde Yayyaaqeenih, Kiraati Faxa Mari Kaaduk Edde Yakriyeenim Elle Duudan Wakti, Taktubeh Tan Maritte Kaaduk Edde Yaktubeenih, Cubbusso ABtah Tan Maritte Cubbusso Edde Abta Wakti Kinnuuk Tama Saamit Yantiffiqimeenim Faxximnta.

Tahak Ugut Abak Buxal Daffeyanaam Sinni Kee Kalah Tan Maritte Tama Dalkak Kalalitaanamak Kalah Tama Dlakah Baysiyyah Kaxxa Doori Le.

Koroonahh Kalalu Kee Asqassaabe Karawwadak Gaba Kalnuh Inkih Tan Itiyoppiyah Xaylo Inki Qandeh Innal Tattikiyyem Faxximta.

Koroonah Vayresih Kalaluh Sihada Fanat Yakke Angaaraw Sinnik Dacrisak, Gexsi Baaxooxah Qokoluk Edde Cattimna Ninni Karawwadih Xisneh Bondi Xamnam Nek Faxximta.

Koroonah Vayresih Kalaluh Cato Takke Ux Kutbeh Farmo Rubna Wak, Asqassaabe Karawwadah Kaaduk 8100 A Axcuk Ruubak Ninni Masuuliyyatak Nawqay.

Tannal Tamaateh Tan Alsitteh Addat Dago Qawwalaylal, Koroonah Vayres Baaxok Bayisak, Sissikaanet Asqassaabe Karawwadak Qimbo Lee Kibnek Gaba Kalak Fannah Nan Xalu Akak Geyennoomul Kibal Lino.

Asmatah Sittin Qokolul Taamitnek Koroona Kalalitennooh, Karawwadak Gaba Kalenno.

Itiyoppiya Isi Xayloh Macalat Kunnabna Geyak Umman Wartay!!

Yalli Itiyoppiya Kee Tet Ummatta Dacrisay!!

Qado Dirri 23, 2012 ILL