Koroonah Vayresih Fixix Baad Caddol Kaxxa Qawwalayla Kataasak Geytima. Ni Qaran Guba Afrikal Tonnah Ni Baaxo Itiyoppiyal Kaxxa Cunxo Kataaseh Yan Dalka Kinni. Away Tama Dalkat Koositnu Kee Kalalitnuh Agat Caddol Kaxxa Hangi Akah Acayuk Taamak Akak Geytimna. Baaxo Xayloh Mano Kee Qaafiyatah, Baaxo Bio Maxco Kee Amaana Qawwalaylah Teceh Tan Tama Dalkah Fixix Koositnuh Kulli Numih Macal Kee Qokol Kaxxam Faxxiima.

Aham Fanah Nibaaxol Geytimah Yan Tama Vayresih Fix Tonnah Baadak Qaafiyat Eglaa Kee Ni Baaxok Qaafiyat Mihratleela Kee Fanteenit Tatrussah Tan Farmo Kee Taceh Tan Oytitte Cubbit Hak Doolat Tama Dalka Kalalittuh Baxaabaxsa Le Maaqatta Beyak Geytimtam. Ummatta Tama Dalkah Caagiidil Oyta Akah Tallennah Abak Faxxiima Cubi Akah Aban Innah Tama Dalkah Weelo Kee Akak Tabta Gititte Kulli Udduural Takkeh Tan Mabla Diggoysiyyih Taamak Ossetinah Koroonah Vayresih Kalaluh Kaxxam Faxximtah Tanim Cubbi Abaanamih Maaqatta Kulli Caddol Akah Takkennah Doolat Katuk Margaqa Kee Amri Tatruseenih Geytiman.

Tama Margaqa Kee Edde Xinta Abinal Asisaanamih Katuk Aham Fanah Meqennal Taniih Iyyaanam Maduudumta. Tama Caagiida Akah Milaagimtannah Faxximtah Tan Oytitte Ummatta Gari Akah Guftannah Akkuk Geytimta Macalitte Diggowlem Kee Takkay Ikkah Aaxagih/Gabah Abaanam Takku Ummattah Amaanal Kaxxaam Taqabik Tan Gitittet Doolat Katuk Tantocowweh Tan Amrik Iroh Tanih Tan Canka Kee Eglaali Tonnah Gabah Abak Tama Dalkah Caagiidil Dirab Oytal Ummatta Cunxussah Tan Maritte, Tonnah Ta Biyaakak Ugut Abak Faxxiime Sinni Xalu Edde Geyenno Axcuk Ummattal Qadaaga Limoh Ossimiyya Abtah Tan Maritte Kee Eglaalil Tama Madqaak Iroh Tan Abtok Sinni Raaqisaanam Faxximtam Kassisna.

Maaqidda, Diwa Kee Qaafiyat Hanaawih Xiinisso Kee Loysis Kuktih Loowok 661/2002 Tabaataba Lakimitteh Addaffakot Lem Kinnuuk, Tama Kuktal Qaduk Elle Daffeytennal, “Faxe Qaynatal baaxoh Addah Cultaah Tonnah Tawqeh Tan Maritte Ta Baxo Oggolteh Tan Baadak Qaafiyat Dacayrih Kibne Rakiibo Abak Tabaatabta Lakimittel Dereeman Maritte Fokkaaqoh Ka Essereenik Oggolaamih Dirki Kal Tan”. Tonnah “… Tama Dalka Leh Tan Baaxok Yemeete Num Baaxo Fanah Akah Cule Wannah Ka Waasaanam Diiqimta”. Tama Kukti Ossetinah “Mamaxxaga Le Qaafiyat Mihratli Tama Dalka Elle Geytimte Nim Hinnammay Dereemen Num Elle Faxximtannal Dibuk Ka Hanaawuisaanamih Dirki Kal Tan” Ossetinah “Tama Dalkal Dereemeenih Yanin Num Fokkaaqoh, Daylah Oggolam Kaak Faxximtam’ Yascasse. Tama Kuktaak Ugut Abak Tama Edde Xinta Oggole Waanam Ila 6 Alsa Gufa Casbi Digaalal Lem Yasacsse.

Ahak Ossetinah IFDRik Baatil Madqak Maasayyak 514 Elle Daffeytennal Tabaatabta Lakimitte Gabah Sinaamal Tabsam Madqa Gital Digaala Lem Yasacasse. Tama Kuktak Iroh Tan Maritte Ila 10 Sanat Gufa Casbi Digaala Lem Kee Tama Tabaatabta Lakimitte Baad Caddok Uma Dalkak Sugteki Caagiida Leh Tan Qilsaak Amakkaquk Qumri Casbih Digaalay Hinnammay Rabi Digaala Fanah Lem Qaddoosa.

Ossetinah Baatil Madqak Maasayyak 830 Ummatta Qaafiyat Kee Qaafiyat Loysis Iyya Ammuntal Elle Daffeytennal, Dalka Kalalih taama Taniimiy, Kalaluh Takke Dayla Abanamay, Tonnah Loysisih Yeyyeeqen Madqak Iroh Yakkeenimi Ila 6 Alsih Casbi Digaalal Lem Tama Baatil Madqal daffeyteh Geytimta.

Ossetinah Ummatta Qaafiyatal Cunxo Akah Tallennah Meysissol Gabag Ummatta Cunxusaanam 3 Sanataak Ammagge Wam Xabcin Casbih Digaalay Hinnammay Qilsa Le 3 sanatak Tatre Wa Casbih Digaala Lem Baatil Madqak Maayassayk 485 Daffeyteh Geytimta.

Koroonah Vayresih Caagiidal Yacen AMri Abinal Asisaanam Leh Yan Tuxxiqi Qimbih Isih Kinnim Aaxaguk, Tohuuk Lakal Garil Kok Tan Buxa Maritte, Ramadaay, Dariifah Ayyunta Kee Inkih Tan Ummattay Baaxoh Aban Cubbi Kinni.

Tahim Hangit Haak Inkih Faxxiima Cubbi Dudda Haynaamal Abnila Akah Asisnannah Seeco Xayyosna.

Takkay Ikkah Amih Darreh Cabteh Tan Maritte, Baaxoh Amaana Taqabit Culussah Tan Canka /Numtin Amo Kee Eglaali Caddol Koroonah Vayresih Cunxussah Tan Maritte Madqaak Iroh Tanih Iyya Ahak Dagal Daffeyteh Tan Madqaak Ugut Abk Faxximta Maaqatta Sissikuk Keenil Gexelem Akah Amal Naysixxge.

IFDRik Dagar Raaqa Gaaroyse

Qado Dirri 19 Sanat 2012 ILL

Addis Ababa