Koroonah Vayresih Fixix Kalalitoonuh Espeen Kee Faransa Gidbi Maaqatta Beyak Geytiman

Addi Ababa, Qado Dirri 06, 2012 ILL (FBC) Espeen Kee Faransa Koroonah Vayresi Away Abak Geytimah Yan Fixix Kalalitaanam Elle Duudan Maaqatta Beyak Geytiman.

Espeen Doolat Faxe Num Maaqidda Kee Diwa Xaamiyyah Hinnammay Taamah Gexuh Akke Waytek Buxaak Iroh Yangayyem Faxxiime Waytam Qaddosse.

Espeenil 191 Inki Num Tama Dalkah Edde Rabteh Tanim Kassiisaak Taaliyan Katayak Ta Vayres Kaxxam Biyaakak Geytima Awroppah Baaxooxak Tiyak Teyna Kinni.

Kalah Tama Vayres Kaxxa Taqabi Elle Kataasak Geytimah Yan Faransa 91 Num Koroonah Vayresit Rabem Warsan.

Tahak Ugut Abak Kaafe, Makaahi Qarwa Hinnammay Resturantitte, Sinima Kee Kalah Tan Mango Dukaakin Alfeenih Geytiman.

Chayna Katayak Fayya Le Caddol Baaxo Xaylo Akak Rabak Geytimta Taaliyan Tatre Itleenik Xabba Haanam Faxe Num Buxak Akah Awqe Waannih Amri Tatrusseh Geytimta.

Baadak Qaafiyat Eglak Saqalah Yan Dr. Tedros Adcanom Away vGexsi Dariifak Lafit Luk Awroppal Tama Dalka Kaxxa Qawwalayla Kataasak Geytimam Ascassuuk, Tama Dalkah Kalalih Taamah Inkih Tan Baaxooxa Inki Mogoy Akkuk Taamitaanam Faxximtam Qaddoose.