Addis Ababa, Qado Dirri 08, 2012 ILL (FBC) Itiyoppiyal Koroonah Vayresit Yinxibbimeh 5 Yakka Mara Lih Angaaraw Luk Sugteh Akak Iyyen Maritte Elle Yanin Aracal Akah 14 Ayroh Gideh Qaafiyat Kattaatu Keenih Abak Geytimaanam Itiyoppiyak Ayyunti Qaafiyatih Inistituyut Qaddoose.

Tama Inistituyut Koroonah Vayres (COVID 19) Wagsiisa Maybalaalaqa Teyyeqeh Geytimta.

Tama Maybalaalaqa Ahak Gubal Xayyoowele:-

Agat Caddol Akkuk Geytima Bicih Caagid Wagittaamal

• Baaxo Fana Akak Culan Inkih Tan Culma Fanteenitil Abak Geytiman Fokkaaqo Digga Luk Akkuk Geytimtam Kee Lica Booolih Alfi Bacra Taban (600,080) Yakke Marak Niqna Fokaaqo (Iboola Kee Koroona Sitta Lih) Fokaaqo Abak Taturaanam Duuden.

• Tama Niqna Fokaaqo Akak Aben Maritteh Fanak 8 Alfi  985 Yakke Mari Tama Vayres Ripporti Akak Aben Baaxooxak Yemeete Mara Kinni.

•Tama Marak Kalah 5 Yakke Maraay Koroonah Vayres Edde Geytimeh Iyya Lih Angaaraw Luk Sugteh Akak Iyyen Sagla Bool Sagla Taban Kee Nammay (992) Num Elle Yanin Aracal Akah 14 Ayroh Gideh Keenih Aboonu Wan Qaafiyat Kattaatu Qimmiseenih Geytiman.

Awayi Saaqatal Inki Alfi Namma Bool Bacra Taban Kee Koonoy (1285) Yakke Mari 14 Ayroh Gideh Kattaatu Abak Sugeenik Lakal Qaafiyatak Yaniinim Asmatuk Qaafiyat Kattaatu Keenik Soolisaanam Tekke.

Tama Biyaakih Asta Tuybulleh Akak Iyyen Maritte Kee Qimboh Ta Biyak Yibbexeh Yan Numu Lih Angaaraw Luk Sugteh Akak Iyyen Maritte Edde Anuk Away Inki Bool Taban Kee Sidoc (113) Yakke Marak Baxissa Heenih Keenih Aben Laboraatori Fokkaaqol Tu Keenil Geytime Waytemik Ugut Abak 74 Yakke Mara Ayyuntat Akah Yangalen Innah Tekke.

Konooy (5) Yakke Mari Tama Biyak Keenil Geytimeeh Iyyah Qaafiyat Kattaatu Keenih Abak Geytiman.

Soddom Kee Ferey (34) Yakke Mari Kaaduk Dibuk Yan Aracal Gacca Iyyeenih Laboratoori Fokaaqoh Xalu Qambaalak Geytiman.

• Konnoy Yakke Maray Tama Biyak Yibbixeh Yanih Iyya Away Meqe Qaafiyatat Geytiman. 

Doolat Ummatta Elle Mabgo Aroocal Baritto Buxaaxih, Dagar Dig Qalaylitte Kee Daffeynaani Yeexegen Udduuru Fanah Soolisak Tama Biyakat Koositaanamih Taama Qimmimteh Geytimta.

Ayyunti Baxsa Luk Tama Biyaakih Asta Keenil Amballayuk Dereemuh Fokkaaqoh Beyeenih Ta Dalkak Currik Yaniinimih Xali Geyteh Tan Maritte Deelaanam Faxxiime Waytam Kee Ayyunti Ahak Cubbi Abam Faxximtam Kee Ayyunti Tama Biyak Akak Sinam Yabbixe Gita Yaaxigeenim Faxximtam Ta Inistituyut Tascasse.

Hangi Akah Yaceenim Faxximta Caagiidah Tu Gacteki:-

Ayyunti Ahak Afal Tama Biyaakih Kalaluh Abak Sugen Kalali Cokdaadik Taqabneh Axce Kal onnah Wariggite Kal Diggoysaanam Faxximtaamih Seeco Tatrusna.

Tama Farmo Abinal Asisak Ta Dalkah Fixix Naynukusay.

● Kira/Kacuw Kee Niqna Daggowwa Intekk 2 Kas Le Marak Ibi Maaqattah Gide Yaxxereenim Faxximta.

● Gaba Meqennal Kaqlise Kal Afke San Xagaanam Mafaxximta.

● Gaba Macok Soola.

● Gaba Saytun Lee Kee Saabunut Kaqlisa.

● Sinam Elle Mango Arooca Baxsa Luk Tama Biyaakih Asta Le Maritte Fanah Maxayyowina.

● Yaslicen Wak Kee Kiritan Wak Af Kee San Sarot Hinnammay Carayat Buulaanama, Edde Tintiffiqimen Softi Hinnammay Saro Af Le Guddaafah Alaatat Qidaanam Faxximta.

● Taamah Aracal, Merrayti Arooca Kee Buxah Addal Taakat Fakak Silayti Meqennah Akah Culannah Abaanam Faxximta.

● Oyta Asmat Leh Tan Dagortik Hargaanama, Gitat Ane Wayta Oytittey Yaabe Waanam Faxximta.

Tama Lakimi Elle Geytimeh Akak Iyyen Baaxooxak Tamaateh Tan Maritte Hinnammay Keeni Lih Angaaraw leh Tan Maritte Faxe Num 14 Ayroh Gideh Kattat Keenih Abeenik Lakal Fokkaaqol Currik Sugeenik Ayyunta Fanah Ken Ruubaanamih Taama Akkele.

Ossetinah Oytah Cinda Telefon 8335 Hinnammay Madab Telefoonuk 0118276796 Tonnah Email Guubul ephieoc@gmail.com Negeytaanam Duddan.

Itiyoppiyak Ayyunti Qaafiyatih Inistituyut