Koroonah Vayres Yibbixe Marih Qadad 200 Alfiik Daga Yekke

Addis Abab, Qado Dirri 09, 2012 ILL (FBC) Baadal Koroonah Vayres Yibbixeh Yan Marih Qadad 200 Alfiik Daga Yekkem Qaddoosen.

Away Tawqeh Tan Oytitte Elle Tascassennal, 201 Alfi 436 Yakke Mari Tama Vayres Yibbixeh Geytimam Warsan.

Rabeh Yan Marih Qadad Kaaduk 8 Alfi 6 Gufeh Yanim Kassiisaak, Tama Biyak Yibbexeh Qaffooteh Yan Marih Qadad 82 Alfi 32 Num Kinnim Yiysixxigen.

Chayna, Taaliyan Kee Iraan Qabursi Caddol Mango Mari Tama Vayresit Kaxxam Edde Biyaakitteh Tan Baaxooxa Kinnon.

Keniyah Baaxol 3 Num Tama Vayres Yibbixeh Geytimam Tiysixxige.

Tahak Ugut Abak Tama Baaxol Ta Vayres Yibbixeh Yan Marih Qadad 7 Fanah Fayya Iyyeh Geytima.

Awroppah Baaxooxah Fanak A Vayres Kaxxam Biyaakeh Yan Taaliyan Baaxo Xaylo Buxak Akah Awqe Waytannah Margqa Tatrusseh Geytimta.

Faransa Kaaduk Irah Yawqeh Yan Maral Digaala Daffesseh Tanim Kassiisak Tama Madqak Iroh Yakkeh Yan Mari 38 Yuuroh Margaqa Tatruseenih Sugeenih Iyyak Away 135 Yuuro Fanah Fayya Heenim Warsan.

Tu Sabab Alle Kal Paaris Saariqil Yawqeh Yan Mari Geytimek 138 Yuuroh Digaala Kal Heeloonum Qaddoosen.